Sunda hi suma a sunuzinid’a 28:18 - Bible azumeina

¹⁸ Kid’a Romê-na a djop ad’u zla manda dad’a, azi min gan akulo, kayam a fe nga zla d’a ndak á tchanda d’i.

Sunda hi suma a sunuzinid’a 28:18 Iomraidhean Croise

Sunda hi suma a sunuzinid’a 22:30

Tcha ndjivinda ma ngol ma kalâ mi min á we woi tetet ni kayam me ba, Juif-fâ a kal yam Paul ge? Kayam ndata, mi bud’um mbeyo, mi he vuna mi nglo suma ngat buzuna ki suma nglo suma b’ak zlad’a ala a togï pepet. Mam mba ki Paul avoroziya.

Sunda hi suma a sunuzinid’a 23:29

An we azi kal kamî yam zlad’a hi gat mazid’id’a, wani zlad’a nga kam mba ndak á tchid’a d’oze á gum dangeinid’a nga d’i.

Sunda hi suma a sunuzinid’a 24:10

Kid’a ma te yamba mi labom mi Paul á de zlad’id’a, Paul mi hulong dum ala: Kayam an wangû, angî ma ka sariyad’a handjaf ma wana bizad’a ngola, tan lan djivid’a á vang ad’u zla manda.

Sunda hi suma a sunuzinid’a 24:22

Wani Felix ma mi wäd’u zla ndata tetetna mi dazi ala: Agi i djubugi ndjö tua. Mi dazi ala: Le Lisiyas ma ngolâ hi azigarîna mi mba wa ni, an mba kagi ir zla magid’a.

Sunda hi suma a sunuzinid’a 25:25

Wani an fe nga vama ndak á tchid’ina kam mbi, wani mam tamba mi min ala a im ki sariya mamba avok Sesar. Kayam ndata, an nga hurun á sunum mi Sesar mi.