Sunda hi suma a sunuzinid’a 27:1 - Bible azumeina

¹ Kid’a azi nga huruzi á sunumi ki batod’a á i yam andaga d’a Itali-d’id’a, a he Paul azi ki suma dangei suma dingâ abo ma ngol ma azigarâ abom kisâ, simiyêm ala Juliyus, ni ma ad’u adesâ hi Romê-na ma a yum ala Adesâ hi Sesar-râ na mi.

Sunda hi suma a sunuzinid’a 27:1 Iomraidhean Croise

Ad’u Tinda 50:20

Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na.

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Hor ma tchina 3:27

Djivid’a yam sana á zi dju’â ni kazong tam dei.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

Wana ni Zla d’a Djivi d’a Luc mi b’irita 7:2

Ma ngol ma azigarâ abom kis ma Romê-na, azong mam ma mam le kam heîna, mi ve tugud’eid’a go á matna.

Sunda hi suma a sunuzinid’a 10:1

Sana nga kur Sesare, simiyêm ala Kornei, ni ma ngol ma azigarâ abom kis ma Romê-na, ni ma nga avok adesâ hi azigar suma Romê suma a yazi ala Itali-na.

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Sunda hi suma a sunuzinid’a 16:10

Kid’a vana nde tam mbei iram dad’a, ata yi máma na wat, ami halami lovota á imi Maseduwan, ami djib’eremi ala Alona mi yami ni mam á tchazi wal Zla d’a Djivid’a.

Sunda hi suma a sunuzinid’a 18:2

Mi fe ma Juif-fâ, simiyêm ala Akila, ambas mamba ni Pong. Azi kamamba Prisil a tcholï Itali, a mba Korente kur bur máma, kayam ma te yamba Klaut mi he vuna ala Juif suma kur Rom-ma pet a buzuk keyo. Paul mi i geveziya.

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 21:32

Ata yi máma na wat, mi yo azigarâ ki suma nglo suma avorozina, a ring ataziya. Kid’a Juif-fâ a we ma ngol máma ki azigar mama mi d’a, a ar Paul bei tod’a.

Sunda hi suma a sunuzinid’a 22:26

Kid’a ma ngol ma azigarâ abom kisâ mi hum zla ndatid’a, mi i ata ma ngol ma kalâ, mi dum ala: Ang min le ni nana ge? Kayam sa máma ni ma Romê-na.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Sunda hi suma a sunuzinid’a 23:17

Paul mi yi ma ngol ma azigarâ abom kis ma dingâ tu, mi dum ala: Ang i ki gor azong ma wana mi ma ngolâ hi azigarîna, kayam mi nga ki zlad’a á dumu.

Sunda hi suma a sunuzinid’a 24:23

Mi he vuna mi ma ngol ma azigarâ abom kisâ á ngom Paul kur dangeina, wani mi aram mi tid’a, mi d’el buniyôm suma a mba á ndjunuma d’uo mi.

Sunda hi suma a sunuzinid’a 25:12

Kid’a Festus mi min zlad’a ki mam suma b’ak zlad’a minda, mi dum ala: Ang dala ang yi Sesar ala mi kang sariya manga ni, ang mba i tchol avok Sesar mi.

Sunda hi suma a sunuzinid’a 25:25

Wani an fe nga vama ndak á tchid’ina kam mbi, wani mam tamba mi min ala a im ki sariya mamba avok Sesar. Kayam ndata, an nga hurun á sunum mi Sesar mi.

Sunda hi suma a sunuzinid’a 27:11

Wani ma ngol ma azigarâ abom kisâ mi hum ma djang batod’a ki sala batod’a kal zla d’a Paul mi data.

Sunda hi suma a sunuzinid’a 27:43

Wani ma ngol ma azigarâ abom kisâ mi min á sut Paul, mi d’elezi yam nga hur mazina. Mi he vuna mi suma we nusina ala a tchuk tazi kä avok aduk mbina, a i ata yima sod’a.

Sunda hi suma a sunuzinid’a 27:6

Ata yi máma, ma ngol ma azigarâ abom kisâ, mi fe bato d’a Alezandri d’a nga d’i i Itali-d’a, mi tchugumi kurud’u.

Sunda hi suma a sunuzinid’a 28:1

Kid’a ami sud’umi woi suta, ami wami ala ni til la a yat ala Malte-d’a.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Hebre-na 13:24

Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.