Sunda hi suma a sunuzinid’a 25:5 - Bible azumeina

⁵ Mi dazi kua ala: Djivid’a suma nglo suma adigagina a i ki sed’enu. Le sa máma zla nga kamu ni, a kal kam sä hî.

Sunda hi suma a sunuzinid’a 25:5 Iomraidhean Croise

Sunda hi suma a sunuzinid’a 18:14

Wani kid’a Paul mi mal vunam á ded’id’a, Galiyon mi de mi Juif-fâ ala: Agi Juif-fâ, ladjï mi tchi ni matna, d’oze mi le ni tcho d’a ngola ni, nata yad’u, an mba ni humugiya.

Sunda hi suma a sunuzinid’a 23:30

Kid’a a dan ala a min nga tazi gumun á tchumu d’a, an sunungzi sä atogo zak wana. An de mi suma kal kama ala azi i kal sä kam sä avorongû.

Sunda hi suma a sunuzinid’a 24:8

Mi he vuna mi ami suma tchuk zlad’a kama ala ami imi avorongû.] Le ang tanga djobom ad’u zla mamba ni, ang mba wäd’u zla d’a ami tchugut kamba.

Sunda hi suma a sunuzinid’a 25:16

An hulong ni dazi ala: Gata hi Romê-nid’a ti arazi nga lovota á he sana á tchid’a bei a zlabam ki suma a tchugum zlad’a kama, bei mi väd’u zla mam mba a tchugumzi kamba woi d’i.

Sunda hi suma a sunuzinid’a 25:25

Wani an fe nga vama ndak á tchid’ina kam mbi, wani mam tamba mi min ala a im ki sariya mamba avok Sesar. Kayam ndata, an nga hurun á sunum mi Sesar mi.

Sunda hi suma a sunuzinid’a 25:4

Wani Festus mi hulong dazi ala: Paul mi sä ni kur dangeina Sesare, an tanda ni ar go á hulong Sesare mi.

Sunda hi suma a sunuzinid’a 25:6

Kid’a mam le nga burâ klavandi d’oze dogo adigazi d’uo d’a, mi tchola, mi i Sesare. Tcha ndjivinda mi kak yam zlam mam mba ka sariyad’a, mi he vuna ala a mbeï ki Paul.