Sunda hi suma a sunuzinid’a 23:9 - Bible azumeina

⁹ Yalâ tchol akulo ngola. Suma ding suma hat gata hi Fariziyênina a tchol ki tuguyod’a, a dala: Ami wami nga vama tcho yam sa máma d’i. Le ba muzu’â d’oze malaikana mi dum zlad’a ni, agi mba lagi ni nana d’ang nge?

Sunda hi suma a sunuzinid’a 23:9 Iomraidhean Croise

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Jeremi 26:16

Ata yi máma suma nglona kablaud’a pet a de mi suma ngat buzuna ki suma djok vuna ala: Sa máma mi ndak nga á tchid’a d’i, kayam mam dei ni zla d’a tcholï avun Ma didina Alo meinid’a.

Marik 2:16

Kid’a suma hat gat suma Fariziyêna a wum nga mi te ki suma tchona azi ki suma ve lombod’id’a, azi de mi mam suma hata ala: Ni kayam me ba, nga mi te ki suma ve lombod’a azi ki suma tchona ge?

Wana ni Zla d’a Djivi d’a Luc mi b’irita 23:22

Pilat mi dazi kua yam á hindid’a ala: Ana ge? Mi le ni tcho me ge? An fe nga zla d’a ndak á tchid’id’a kam mbi. Kayam ndata, an nga ni tomu, ni gum akulo.

Wana ni Zla d’a Djivi d’a Luc mi b’irita 23:4

Pilat mi de mi nglo suma ngat buzuna azi kablau suma ala: An fe nga zla yam sa máma d’i.

Wana ni Zla d’a Djivi d’a Luc mi b’irita 5:30

Fariziyêna azi ki mazi suma hat gata, a nga kud’os mam suma hata ala: Ni kayam me ba, agi tagi tchagi ki suma ve lombod’a azi ki suma tchona ge?

Jean 12:29

Kayam ndata, ablau suma a nga tchola ata yi mámina, a hum del ndata, a de tazi ala: Nalona ba, mi breyâ. Suma hiuna ala: Ni malaikana ba, mi de zlad’a ki sed’emu.

Sunda hi suma a sunuzinid’a 11:17

Le Alona mi hazi he d’a hawad’a d’igi mi heizi mi ei kid’a ei hei gagazid’a yam Salad’a Jesus Christ-sa na ni, an ni nge ba, ni d’el Alona ge?

Sunda hi suma a sunuzinid’a 22:6

Paul mi de kua ala: Kid’a an nga kur tita tua d’a, an mba go ki Damas kafata falei d’ad’ar. Atogo hina zak, wile d’a ngola tcholï akulo, ti b’o nguyunu.

Sunda hi suma a sunuzinid’a 22:7

An puk kä, an hum dela nga d’i dan ala: Saul, Saul, ni kayam me ba, ang djobon vunan hina ge?

Sunda hi suma a sunuzinid’a 23:29

An we azi kal kamî yam zlad’a hi gat mazid’id’a, wani zlad’a nga kam mba ndak á tchid’a d’oze á gum dangeinid’a nga d’i.

Sunda hi suma a sunuzinid’a 23:8

Kayam Sadusiyêna a nga hat ala: Suma matna a mba tchol akulo d’i, malaikana azi ki muzuk ma tetengâ mi nga d’uo mi, wani Fariziyêna a he gagazid’a ala azi pet a nga.

Sunda hi suma a sunuzinid’a 25:25

Wani an fe nga vama ndak á tchid’ina kam mbi, wani mam tamba mi min ala a im ki sariya mamba avok Sesar. Kayam ndata, an nga hurun á sunum mi Sesar mi.

Sunda hi suma a sunuzinid’a 26:31

Azi buzuk kei abo tu, a de tazi ala: Sa máma mi le nga vama ndak á tchid’a d’oze á dangeinina d’uo mi.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

1 Samuel 12:5

Samuel mi hulong dazi ala: Ma didina kamul ma mam manama ni suma glangâsâ kagi ini ala agi fagi nga zla kan ndi. A dala: Nata yad’u, azi ni glangâsâ.

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.