Sunda hi suma a sunuzinid’a 23:11 - Bible azumeina

¹¹ Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Sunda hi suma a sunuzinid’a 23:11 Iomraidhean Croise

Sawal la giled’a 109:31

Kayam mam mi grangâ hi sama houd’a á sud’um mbei abo suma a vum ki zlad’ina.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Matiye 9:2

A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Jean 14:18

An mba ni aragi hokuyod’a d’i, an mba ni hulongî gevegiya.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 18:9

Kur andjeged’a, Salad’a mi nde tam mbei ir Paul, mi dum ala: Ang le mandar ri, ang tchi wala, ang ba d’i,

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 2:25

Kayam David mi dum zlam mbei ala: An we Ma didina mi nga avoron teteu, mi nga ata bigan nda ndjufa, kayam an giget ti.

Sunda hi suma a sunuzinid’a 20:22

Ki tchetchemba, Muzuk ma bei tchod’a ba na nga mi zud’un á i Jerusalem, an we nga vama mba mi fan sä hina d’i.

Sunda hi suma a sunuzinid’a 22:15

Kayam ang mba mbut ma glangâs mama avok suma pet yam vama ang wuma, yam vama ang humuma mi.

Sunda hi suma a sunuzinid’a 22:18

An we Salad’a, mi dan ala: Ang nde woi atogo kur Jerusalem, kayam suma a nga ve zla d’a ang nga dat kanda d’i.

1 Korente-na 9:1

An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

Filip-ma 1:13

gak azigar suma avo hAmul ma ngolîna pet ki suma dingâ pet a wala a van dangeina ni yam sunda hi Christ-sa.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.