Sunda hi suma a sunuzinid’a 21:5 - Bible azumeina

⁵ Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.

Sunda hi suma a sunuzinid’a 21:5 Iomraidhean Croise

1 Amuleina 8:54

Kid’a Salomon nga mi tchen Ma didina ki hud’id’a, mi ni grifa kä avok yima ngal ahle suma ngat buzuna, abomî yod’a akulo hur alona. Kid’a vunam dap tchendid’a, mi hulong tchol akulo.

2 Sunda Hamuleinid’a 20:13

Suma Juda-na pet zlapa ki grozi suma gureina ki grozina kamiyôzina, a nga tchola akulo avok Ma didina.

Nehemi 12:43

Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Matiye 14:21

Suma a tavungô mámina andjuveina ni d’igi dudubud’a vahl na, a ndum nga aropma ki gugureina d’i.

Marik 1:40

Sama libina mi mba gen Jesus, mi grif kä avoromu, mi tchenem ki labiyad’a, mi dum ala: Le ang mina ni, ang ndak á yagan ndeyo.

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

Sunda hi suma a sunuzinid’a 15:3

Kid’a suma toka a tinizi dad’a, a kal yam andaga d’a Finisi-d’a ki d’a Samari-d’a. A nga vazi ad’ud’a ni nana ba, andjaf suma dingâ a mbut huruzi mAlona ge. B’oziyoina pet a le furîd’a ngola.

Sunda hi suma a sunuzinid’a 17:10

Ata yi máma na wat, kur andjeged’a, b’oziyoina a sun Paul azi ki Silas Bere. Kid’a azi mbaza kuad’a, a kal kur gong nga toka hi Juif-fîd’a.

Sunda hi suma a sunuzinid’a 20:36

Kid’a Paul mi de hina dad’a, mi grif kä, mi tchen Alona ki sed’ezi pet.

Sunda hi suma a sunuzinid’a 20:38

Azi nga ki hur ma wurana yam zla d’a mi dazizi ala azi dok wum iram bugol luo d’a. A tinim gak kur batod’a.

Sunda hi suma a sunuzinid’a 9:40

Pierre mi buzuk suma pet woi abua, mi grif kä, mi tchen Alona. Mi mbut iram yam mad’ad’u, mi yat ala: Tabita, ndak tchol akulo. Ti mal irat teyo, ti gol Pierre, ti tchol kak akulo.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Josue 8:35

Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.