Sunda hi suma a sunuzinid’a 21:40 - Bible azumeina

⁴⁰ Kid’a mam hum lovotid’a, Paul mi tchol ata yima djak akulona, mi lazi abomu. Kid’a suma pet a senga, mi dazi zlad’a ki vun Hebre-na ala:

Sunda hi suma a sunuzinid’a 21:40 Iomraidhean Croise

2 Amuleina 9:13

Ata yi máma na wat azigar suma nglona a fok baru mazina woyo, a tchugum kä ata yima a djak kakulona kayam mam kak kamu. Suma a bu aduveina, suma pet a nde er ad’uzi akulo ala: Amulâ Jehu, ar va mi lang ngi! Amulâ Jehu, ar va mi lang ngi!

Wana ni Zla d’a Djivi d’a Luc mi b’irita 23:38

Pilat mi b’ir kam akulo ala: Wana namulâ hi Juif-fîna.

Jean 19:13

Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.

Jean 19:17

Jesus mi hlagu mam ma b’ala, mi nde ki woi abua, mi i ata yima a yum ala Asok yamba na, a yum ki vun Hebre-na ala Golgota.

Jean 19:20

A b’irit ni ki vun Hebre-na ki vun Romê-na ki vun Gre’â. Juif-fâ ablaud’a a nga ndum zla ndata, kayam yima a b’al Jesus kuana ni go kazì ma ngolâ.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Sunda hi suma a sunuzinid’a 1:19

Suma a nga kur Jerusalem-ma pet a we zla ndata. Hina, azi yi asine máma ki vun mazina ala Hakeldama, nala, Asine ma buzuna.

Sunda hi suma a sunuzinid’a 12:17

Mi lazi abom ala a ba, mi vazi ad’ud’a ni nana ba, Salad’a mi pad’amï woi kur dangeina ge. Mi dazi ala a de mi Jacques ki b’oziyod’a suma dingâ. Ata yi máma, mi i yima dingâ.

Sunda hi suma a sunuzinid’a 13:16

Ata yi máma, Paul mi tchol akulo, mi lazi abomu, mi dazi ala: Agi Israel-lâ ki agi suma lagi mandara Alonina, agi humugiya.

Sunda hi suma a sunuzinid’a 19:33

Juif-fâ a tin Alezandre kä avok suma. Kayam ndata, ablau suma a vumu. Alezandre mi lazi abomu, mi min á vazi ad’u zla mamba.

Sunda hi suma a sunuzinid’a 21:35

Kid’a mi mbaza avun gonga, ata yima djak akulona, azigarâ a hle Paul akulo abo b’at ta suma a nga b’at tazi kam kukud’a.

Sunda hi suma a sunuzinid’a 22:2

Kid’a azi hum nga mi de zlad’a ki vun Hebre-nid’a, azi pet a seng silil. Mi dazi ala:

Sunda hi suma a sunuzinid’a 26:14

Ata yima ami pet pugumi kä na, an hum dela dan ki vun Hebre-na ala: Saul, Saul, ni kayam me ba, ang djobon vunan hina ge? Ad’enga ki sed’eng heî á yet vun leleuna.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Vama ndum mbeina 16:16

Muzuk ma tcho ma hindi máma, mi tok amuleina ata yima a yum ki vun Hebre-na ala Armagedon na na.

Vama ndum mbeina 9:11

Amul mazina ni malaika ma yam zul la yiyikina, a yum ki vun Hebre-na ala Abadon, a yum ki vun Gre’â ala Apoliyon, nala, Ma b’lak suma.