Sunda hi suma a sunuzinid’a 21:27 - Bible azumeina

²⁷ Kid’a bur ma kid’iziyana ar go á dapid’a, Juif suma Asi-na a we Paul kur gong nga kud’ora hAlonid’a. Azi zut ablau suma akulo ala a vumu.

Sunda hi suma a sunuzinid’a 21:27 Iomraidhean Croise

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

Ndumba 19:11

Ma didina mi de kua ala: Sama mi do mad’a sanina, mba mi mbut ndjendjed’a gak burâ kid’iziya.

Ndumba 6:13

Wana ni gat ta yam sama mi tin tam irat vat á le sun nda Nazir-rina: Kur bur ma burum ma mam tin tam irat vatna dapma, a mbamï avun zlub’u d’a ngaf tad’a.

Ndumba 6:9

Le sana mi mit gevem kä dumuzi ni, yam mba mi tinit irat vata ti mbut ni ndjendjed’a. Kur bur ma kid’iziyana, mi wel yam mbeyo, mi mbut tam yed’et mbut ta dinga.

Wana ni Zla d’a Djivi d’a Luc mi b’irita 21:12

Avok ahle ndazina pet, suma a mba vigigiya, a mba djobogi vunagi ngola, a mba igi avok suma ka sariyad’a kur gongîyo mazi suma toka, a mba tchugugi dangeina mi. A mba igi avok amuleina azi ki suma te yamba yam simiyênu.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Sunda hi suma a sunuzinid’a 14:5

Kid’a andjaf suma dingâ ki Juif-fâ zlapa ki mazi suma nglona a ndjak vunazi á lazi ahle suma tchona á tchazi kahinad’id’a,

Sunda hi suma a sunuzinid’a 16:6

Muzuk ma bei tchod’a ba na mi d’elezi á tchi wal zlad’a hAlonid’a yam andaga d’a Asi-d’a. Kayam ndata, azi kal kur andaga d’a Frizi-d’a ki d’a Galat-ta.

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 2:9

Ei ni suma Parte-na, suma Mede-na, suma Elam-ma, suma a nga kaka kur Mesopotami-na, suma Jude-na, suma Kapados-sâ, suma Pongâ, suma yam ambas sa Asi-d’ina,

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 24:11

Le ang min á hal ad’ud’a ni, ang mba we tetet ala kal nga burâ dogo yam mbà d’uo tua ma an i Jerusalem á kud’or Alonina.

Sunda hi suma a sunuzinid’a 24:18

Wani Juif-fâ a a mba a fan kur gong nga kud’ora hAlonid’a ata yima an nga mbut tan yed’etna, a fan nga ki suma ablaud’a d’uo mi na, a fan nga ni kur huneî d’uo mi.

Sunda hi suma a sunuzinid’a 26:21

Ni kayam ndata ba, Juif-fâ a van kur gong nga kud’ora hAlonid’a, azi hal á tchanu.

Sunda hi suma a sunuzinid’a 4:3

A yo Pierre azi ki Jean, a tchugizi dangeina gak djup ndjivini, kayam yina kal da’.

Sunda hi suma a sunuzinid’a 5:18

Azi yo suma a sunuzina, a tchuguzi dangeina.

Sunda hi suma a sunuzinid’a 6:12

Azi djiwï suma akulo ki suma nglona ki suma hat gata. Azi mba, a ve Etienne, a tanam a im avok suma nglo suma b’ak zlad’a.

Sunda hi suma a sunuzinid’a 6:9

Wani suma dingâ aduk suma a nga kur gong nga toka hi Juif-fâ d’a a yat ala Gong nga toka hi magumei suma a mbut gro vutina na, a nga tchi tuguyod’a ki Etienne. Azi ni suma Siren-na, suma Alezandri-na, suma Silisi-na ki suma Asi-na mi.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.