Sunda hi suma a sunuzinid’a 21:24 - Bible azumeina

²⁴ Ang yoziya, ang mbut tang yed’et ki sed’eziya, ang wurak kaziya, kayam azi wel yazi woyo. Hina wani, suma pet a mba wala zla d’a azi humut kanga ni zla d’a kad’a, wani azi mba wala ang nga ngom gata hi Moise-sa mi.

Sunda hi suma a sunuzinid’a 21:24 Iomraidhean Croise

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Wana ni mbaktumba hi Job-pa 41:25

Nga mi gol ahle suma a suburuzina is, mam mi amulâ hamburei suma ayînina mi.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Buzuk ka Abud’a 19:14

Moise mi tchugï asem kä yam ahinad’a gen Israel-lâ, mi tinizi irazi vaziya, azi mbus baru mazina woi yed’et mi.

Ndumba 6:13

Wana ni gat ta yam sama mi tin tam irat vat á le sun nda Nazir-rina: Kur bur ma burum ma mam tin tam irat vatna dapma, a mbamï avun zlub’u d’a ngaf tad’a.

Ndumba 6:18

Ata yi máma sama mi tin tam irat vat á le sun nda Nazir-ra máma, mi wel yam mbei ki dudumam avun zlub’u d’a ngaf tad’a, mi yo tumus ndata, mi tchugut kä aduk aku d’a nga d’i ngal vama ngat buzu ma zlap darigïd’id’a.

Ndumba 6:5

Ata yima mi nga kur sun ndatina, ar mi wel yam mbei ki dudumam mbuo gak bur ma mam ngam ata yima mam tin tam irat vatna mi ndak tua. Mam mba mi kak yed’et, mi ar yam ki dudumam bei wela a se.

Ndumba 6:9

Le sana mi mit gevem kä dumuzi ni, yam mba mi tinit irat vata ti mbut ni ndjendjed’a. Kur bur ma kid’iziyana, mi wel yam mbeyo, mi mbut tam yed’et mbut ta dinga.

Jean 11:55

Vun til ma Pa’â hi Juif-fâ ar go. Suma ablaud’a kur ambasa teteng a i Jerusalem á mbut tazi yed’et avok vun til ma Pa’â.

Jean 3:25

Tuguyod’a tchol aduk suma hata hi Jean-na ki ma Juif-fâ yam mbus yed’eta hi gat mazid’id’a.

Sunda hi suma a sunuzinid’a 18:18

Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Sunda hi suma a sunuzinid’a 21:26

Ata yi máma, Paul mi yo suma fid’i ndazina. Tcha ndjivinda mi mbut tam yed’et ki sed’eziya. Mi kal kur gong nga kud’ora hAlonid’a á de woi ala fata bur mazi ma azi mbut tazi yed’etna dapa, nge nge pî adigazi mi he vama ngat buzuna kamu d’a.

Sunda hi suma a sunuzinid’a 24:18

Wani Juif-fâ a a mba a fan kur gong nga kud’ora hAlonid’a ata yima an nga mbut tan yed’etna, a fan nga ki suma ablaud’a d’uo mi na, a fan nga ni kur huneî d’uo mi.

1 Korente-na 9:20

Ata yima an nga ni le sunda aduk Juif-fîna, an mbut tan d’igi ma Juif-fâ na á fazi mi. An nga ad’u gata hi Moise-sa d’uo pî, ata yima an nga ni le sunda aduk suma a ge yazi kä ad’u gatina, an mbut d’igi ma ge yam kä ad’u gatina na á fazi mi.

Galat-na 2:12

Kayam avok ka suma Jacques mi sunuzina a nga bei mbad’a tua d’a, mam nga mi te tena ki b’oziyoi andjaf suma dingâ. Wani ata yima azi mbazina, mam wal tam mbei bei te tena ki sed’ezi kayam mi le ni mandara suma a min ngat andjaf suma dingâ bayâd’ina.

Suma ka sariyad’a 13:5

kayam ndak nga d’i ve wirâ, ndak mba d’i vut gor mandjufâ, a mba tinim vel kam mbi. Kayam gor máma a mba tinim iram vam mAlona ei ni kuruk dei. Ni mam ba, mba mi tin ad’ud’a á sut Israel-lâ woi abo suma Filistê-na.