Sunda hi suma a sunuzinid’a 21:13 - Bible azumeina

¹³ Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Sunda hi suma a sunuzinid’a 21:13 Iomraidhean Croise

1 Sunda Hamuleinid’a 11:18

Ata yi máma suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

Isai 3:15

Salad’a Ma didin ma ad’engêm kal petna mi dala: Ni kayam me ba, agi mired’egi sum mana kä, agi ndjirebegi suma hohoud’a kä woi na ge?

Jeremi 40:1

Bugol la Nebuzaradan ma ngolâ hi suma a ngom yinina mi ge Jeremi akulo woi avo Rama-d’a, Ma didina mi de zlad’a mi Jeremi. Ata yima Nebuzaradan mi gum akulona, mi fumï ni djinda kä ki kindjingâ aduk suma Jerusalem-ma ki suma Juda-na pet suma a nga i ki sed’ezi Babilon-na.

Ezekiyel 18:2

Ni kayam me ba, agi nga dagi zla d’a d’ogol la wanda yam andaga d’a Israel-la ala: Abuyod’a a te guguzlu d’a bei ned’a, grod’a siyazi mi zleyâ ge?

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 20:37

Azi pet a tchi ngola, a ve Paul ataziya, a gum depa.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

1 Korente-na 15:31

B’oziyona, an nga avun matna burâ ki burâ. Wana ni subur manda kagiya, kayam tit mei d’a zlapa ki Christ Jesus Salad’id’a.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

2 Timote 1:4

An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

2 Timote 4:6

Wani anu, a nga i ngad’an d’igi vama ngat buzuna na, yima man matna mi ar go.

2 Pierre 1:14

Kayam an wala bur ma an wal ki hliwin ma matnina mi ar go d’igi Saleina Jesus Christ mi tagan wa na.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

1 Samuel 1:8

Ndjuvut mi djobot ala: Anne, ni kayam me ba, ndak tchi ge? Ni kayam me ba, ndak min te tena d’uo ge? Ni kayam me ba, tak tchuk hina susub’ok ke? Na ni an kal nga gro suma dogona irak kuo zu?

1 Samuel 15:14

Samuel mi dum ala: Le ni na ni, tchina haho’â ki ma hamuzleina ma an nga ni humum wana ni ma me d’ei ge?