Sunda hi suma a sunuzinid’a 21:11 - Bible azumeina

¹¹ Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.

Sunda hi suma a sunuzinid’a 21:11 Iomraidhean Croise

1 Amuleina 22:11

Wani sama dingâ a yum ala Sedekiyas ni Kenäna goroma, mi zle aduvei suma kaweina, mi nga mi dala: Gola! Ma didina mi dala: Aduvei ndazina ni vama simata yam ad’eng nga ang mba kus ki yam suma Siri-na gak ang dabazi ki woi d’a.

Isai 20:2

Kur atchogoi ndata Ma didina mi de zlad’a avun Isai Amot goroma ala: Ang iya, ang i fok baru d’a dodor ra ang djinit furunga katuguru ma ang tchugum asengâ woyo. Isai mi le hina, mi tit bei baruna atamu, bei atuguruna asem mi.

Jeremi 19:1

Ma didina mi dan ala: Ang i avo hi sama min deina, ang gus ageleng nga lubuna, ang yo suma nglona hi sumina ki suma nglona hi suma ngat buzunina.

Wana ni mbaktumba hi Oze-d’a 12:10

Wani an ni Ma didina Alo magina ei kur ambas sa Ezipte-d’a dei gak ini. An mba ni hulong ni kagagi kur zlub’ud’a d’igi a le kur bur ma vun til ma ngama na.

Jean 18:1

Kid’a Jesus mi dahle ndazina dad’a, mi buzuk ki mam suma hata, a djak toliyon nda Kedron-nda. Ata yi máma, asinena nga; mi kal kua ki mam suma hata.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 16:6

Muzuk ma bei tchod’a ba na mi d’elezi á tchi wal zlad’a hAlonid’a yam andaga d’a Asi-d’a. Kayam ndata, azi kal kur andaga d’a Frizi-d’a ki d’a Galat-ta.

Sunda hi suma a sunuzinid’a 20:23

Wani Muzuk ma bei tchod’a ba na mi lan glangâsâ kur azì ma ngol ma lara ge pet ala djinda ki djop vuna a nga djubunu.

Sunda hi suma a sunuzinid’a 21:33

Ata yi máma, ma ngolâ hi azigarîna mi mba go, mi vumu, mi de mi sum mama ala a djinim ki kindjingâ mbà. Mi djop Juif-fâ ala: Ni ma lara ge? Mi le ni me ge?

Sunda hi suma a sunuzinid’a 21:4

Kid’a ami fami suma a he gagazid’ina fed’a, ami lami burâ kid’iziya ki sed’eziya. Muzu’â hAlonina mi dazi ala a de mi Paul ala mi djak i Jerusalem mbi.

Sunda hi suma a sunuzinid’a 22:25

Kid’a azi djinim á tom ki blafîd’a, Paul mi de mi ma ngol ma azigarâ abom kis ma nga tchola ata yi mámina ala: Djivid’a a to sama Romê-na bei ka sariyad’a kam zu?

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 26:29

Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.

Sunda hi suma a sunuzinid’a 28:17

Bugol burâ hindi, Paul mi yi suma nglona hi Juif-fîna. Ata yima azi to’â, mi dazi ala: B’oziyona, an le nga vama kak djangûna ki Juif-fâ d’oze ki zlad’a hi simiyeîd’a d’uo pî, Juif-fâ a gan dangeina avo Jerusalem, a han abo Romê-na.

Sunda hi suma a sunuzinid’a 28:20

Ni kayam ndata ba, an yagi á wagiya, á dagi zlad’a mi. Ni kayam hur ma tinda hi Israel-lîna ba, a djinin ki kindjingâ wana.

Sunda hi suma a sunuzinid’a 28:25

Vunazi ndjak nga tu yam zla ndata d’i. Kid’a azi nga id’a, Paul mi dazi zla d’a dinga tu ala: Muzuk ma bei tchod’a ba na mi de zla d’a gagazid’a mabuyogi ngolo avun ma djok vun Alona Isai ala:

Sunda hi suma a sunuzinid’a 8:29

Muzu’â hAlonina mi de mi Filip ala: Ang hut go gen pus máma.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Efes-sâ 6:20

Kayam Zla d’a Djivid’a, an vrak blangâm kur dangeina. Agi tchenegi Alona kan á de zlad’a bei mandarâ ba, tala ndak á ded’a d’a.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.

Hebre-na 3:7

Kayam ndata, d’igi Muzuk ma bei tchod’a ba na mi de na ala: Le agi humugi del Alona ini ni,

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.