Sunda hi suma a sunuzinid’a 20:31 - Bible azumeina

³¹ Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 20:31 Iomraidhean Croise

Ezekiyel 3:21

Wani le ang ge sama d’ingêrâ humam ala ar mi le tchod’a d’uo, le mi le nga tchod’a d’uo ni, gagazi, mba mi kak karid’a. Kayam ang gum humamu, ang tang mba sut tangû.

Matiye 13:25

Wani ata yima suma a bur senina, mam ma djangûna mi mba, mi yak barumba aduk awu ma djivina, mi ge tam mi iya.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Sunda hi suma a sunuzinid’a 19:10

Mi le hina gak bizad’a mbà. Hina wani, Juif-fâ kandjaf suma ding suma a nga kaka kur ambas sa Asi-d’ina pet, a hum zlad’a hi Salad’id’a.

Sunda hi suma a sunuzinid’a 19:8

Paul mi kal kur gong nga toka hi Juif-fîd’a, mi nga mi de zlad’a bei mandarâ ba tilâ hindi. Mi tchazi tuguyod’a, mi nga mi vazi ad’ud’a yam leud’a hAlonid’a.

Sunda hi suma a sunuzinid’a 20:11

Kid’a Paul mi hulong djak akulod’a, mi mbruk avungôna kä, mi te, mi dazi zla d’a fiyaka gak yina fo. Bugol ndata, mi iya.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Sunda hi suma a sunuzinid’a 24:17

Bugol bizad’a tcha, an mba ki he d’a hawad’a mandjavan ki vama ngat buzuna mAlona mi.

1 Korente-na 4:14

An nga ni b’irigi ahle ndazina ná mbud’ugi zulona d’i, wani ná had’agi d’igi gron suma an hurun vazi heîna na.

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

2 Tasaloni’â 2:5

Agi djib’eregi nga yam zla d’a an dagizi kid’a an nga ki sed’egi tua d’a d’uo zu?

2 Tasaloni’â 3:8

Ami tami nga avu hi sa hawa d’i, wani kur ndaka ami lami sunda andjege ki faleya, kayam ami mbud’umi vama anek yam sa adigagi d’i.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Vama ndum mbeina 16:15

Salad’a mi dala: Ang huma, an nga ni mba ni d’igi sama kula na. Sama nga kaka ndjola, mi ngom baru mamba tala mi tit gandilad’a ba, suma a wum zulo mama d’uo na, mi le furîd’a.