Sunda hi suma a sunuzinid’a 20:24 - Bible azumeina

²⁴ Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 20:24 Iomraidhean Croise

1 Sunda Hamuleinid’a 11:18

Ata yi máma suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.

Jean 17:4

An suburung wa yam andagad’a ka hî, an dap wa sun nda ang handji á led’id’a.

Sunda hi suma a sunuzinid’a 1:17

Ni ma adjeu a ndumum ki sed’eina, mi fe wa b’rau mamba kur sun ndata mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 13:25

Kid’a Jean mi ar go á dap vun sun mambid’a, mi dazi ala: Agi nga djib’eregi kan ala an ni nge ge? An ni mam mbi, wani sama dingâ nga mi mba blogonu, an ndak á but ziyo atuguru mama woi d’i.

Sunda hi suma a sunuzinid’a 14:3

Paul azi ki Barnabas a le burâ ngola kur Ikoniyum. A nga tchi wal zlad’a hi Salad’id’a ki hur ma ade’esâ. Salad’a tamba nga mi le glangâsâ yam zla mam mba sumad’a ala ni gagazi. Mi hazi ad’enga á lahle suma simata kahle suma ndandalâ mi.

Sunda hi suma a sunuzinid’a 15:7

Kid’a a tchi tuguyod’a ngola aduk tazid’a, Pierre mi tchol akulo, mi dazi ala: B’oziyona, agi wagi kur bur ma kalâ, Alona mi manan adigagi kayam an tchi wal Zla d’a Djivid’a mandjaf suma dingâ kayam a hum zla ndata, a he gagazid’a mi.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Sunda hi suma a sunuzinid’a 20:23

Wani Muzuk ma bei tchod’a ba na mi lan glangâsâ kur azì ma ngol ma lara ge pet ala djinda ki djop vuna a nga djubunu.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Romê-na 4:4

Wani sama le sunda nga mi fe wurak mamba; a nga ndumum wurak mam ndata d’igi he d’a hawad’a na d’i, wani ni d’igi wurak mamba na.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

2 Korente-na 4:12

Kayam ndata, ami nga kur matna, wani agi nga kur arid’a.

2 Korente-na 5:8

Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

2 Korente-na 7:4

An tin hurun kagiya, an nga ni subur tan kagi mi. An hurun b’leng ngola. Kur ndak mamid’a pet, an nga ni le furîd’a ngola mi.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

1 Tasaloni’â 3:3

kayam sa tu mi giget abo djop vun máma d’i. Kayam agi wagi ala ni vama Alona mi ngam keina.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 3:11

djop vun mana, ndak manda mi. Ang wahle suma a mba kan avo Antiyos ki Ikoniyum ki Listre-na. An ve tan ad’enga kur ahle ndazina pet, wani Salad’a mi pad’an ndei kuruzi mi.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Wana ni mbaktum mba Paul mi b’irit mi Tit-ta 1:3

Wani ata yima mi ngama, mi nde zla mam mba mi handjid’a woyo. Zla ndata, an nga ni tchat walat yam vun ma hed’a hAlo ma sud’ina.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.

1 Pierre 5:12

An de mi Silas ala mi b’irigi mbaktum mba gor ra wanda. Ni ma an golom d’igi wiyei ma d’engzengâ na na. An nga ni gigid’egiya, an nga ni le glangâsâ yam sumad’a hAlonid’a ala ni d’a gagazid’a. Agi tchologi kurut ngingring.

1 Jean 3:16

Christ mi he tam mbei keya. Kayam ndata, ei wei wa od’a, mbeî ei teid’a hei tei woi yam b’oziyoina na mi.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 6:11

A he nge nge pî adigazi baru d’a fiyak ka hapa, a dazi ala a tuk tazi ndjö gak ablaud’a hi b’oziyozinid’a ki d’a hi ndrozi suma sun suma a mba tchazi woi d’igi azi na na ndak tua.