Sunda hi suma a sunuzinid’a 20:23 - Bible azumeina

²³ Wani Muzuk ma bei tchod’a ba na mi lan glangâsâ kur azì ma ngol ma lara ge pet ala djinda ki djop vuna a nga djubunu.

Sunda hi suma a sunuzinid’a 20:23 Iomraidhean Croise

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:11

Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.

Sunda hi suma a sunuzinid’a 21:33

Ata yi máma, ma ngolâ hi azigarîna mi mba go, mi vumu, mi de mi sum mama ala a djinim ki kindjingâ mbà. Mi djop Juif-fâ ala: Ni ma lara ge? Mi le ni me ge?

Sunda hi suma a sunuzinid’a 21:4

Kid’a ami fami suma a he gagazid’ina fed’a, ami lami burâ kid’iziya ki sed’eziya. Muzu’â hAlonina mi dazi ala a de mi Paul ala mi djak i Jerusalem mbi.

Sunda hi suma a sunuzinid’a 8:29

Muzu’â hAlonina mi de mi Filip ala: Ang hut go gen pus máma.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

1 Tasaloni’â 3:3

kayam sa tu mi giget abo djop vun máma d’i. Kayam agi wagi ala ni vama Alona mi ngam keina.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.