Sunda hi suma a sunuzinid’a 2:42 - Bible azumeina

⁴² A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Sunda hi suma a sunuzinid’a 2:42 Iomraidhean Croise

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

Wana ni Zla d’a Djivi d’a Luc mi b’irita 24:35

Bugola, azi suma mbà ndazina a nde vazi ad’ud’a yam ahle suma a le ki sed’ezi kur lovotina, ni nana ba, azi we Jesus ata yima mi mbruk avungônina ge.

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 20:11

Kid’a Paul mi hulong djak akulod’a, mi mbruk avungôna kä, mi te, mi dazi zla d’a fiyaka gak yina fo. Bugol ndata, mi iya.

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Sunda hi suma a sunuzinid’a 4:23

Bugol la a tchuguzi akulod’a, Pierre azi ki Jean a i gen ndrozina, a dazi ahlena pet suma nglo suma ngat buzuna ki suma nglona a dazizina.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

Sunda hi suma a sunuzinid’a 6:4

Wani ami vami tami á tchen Alona, á tchi wal zla mamba mi.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

1 Korente-na 10:21

Agi ndak á tchagi kopma hi Salad’ina ki kopma hi muzuk ma teteng ma tcho ma fileina zlapa tu d’i. Agi ndak á kagagi avun tabulâ hi Salad’ina ki tabulâ hi muzuk ma teteng ma tcho ma fileina zlapa tu d’uo mi.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

1 Korente-na 14:6

Wani b’oziyona, le an iza hatagi ni dagi zlad’a ki vuna hi suma tetengâ bei ni vagizi ad’um mbei abua ni, djivi mata ni me kagi ge? Le an mbaza ni vagi ad’u vama Alona mi tagandjina woi abu d’uo, le an tagagi nga wed’a d’uo, le an djok vun Alona d’oze an had’agi d’uo mi ni, djivi mata kagi ni me ge?

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Filip-ma 1:5

kayamba agi ndjunun kur sunda hi Zla d’a Djivid’a avok dei gak ki tchetchembid’a.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

2 Timote 3:14

Wani ang tanga, ang kak ngingring kur ahle suma ang hat kuruzi suma ang wazi tetetna, kayam ang we suma a had’angzina.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

Hebre-na 10:39

Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

1 Jean 1:3

Vama ami wamizina, vama ami humumizina, ami nga lagi glangâsâ kam mi, kayam agi lagi darigïd’a ki sed’emiya. Darigï meid’a ni kAbui Alona ki Goroma Jesus Christ.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.