Sunda hi suma a sunuzinid’a 2:38 - Bible azumeina

³⁸ Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Sunda hi suma a sunuzinid’a 2:38 Iomraidhean Croise

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 3:6

Ata yima azi de tcho mazid’a woina, mi nga mi lazi batemba kur alum ma Jurdê-na mi.

Matiye 4:17

Ata yi máma, Jesus mi tin ad’u tchi wala ala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Marik 1:15

Mi dala: Yina ndak wa, kayam Alona mi mba wa adigagi á te leu mamba yam andagad’a. Agi mbud’ugi hurugi yam tcho magid’a, agi hagi gagazid’a yam Zla d’a Djivid’a mi.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Wana ni Zla d’a Djivi d’a Luc mi b’irita 3:10

Ablau suma a djobom ala: Ami lami ni nana ge?

Sunda hi suma a sunuzinid’a 10:43

Suma djok vun Alona pet a le glangâsâ kam ala nge nge pî ma he gagazid’a kama, Alona mba mi vat hurum mbei yam tcho mamba ki simiyêmu.

Sunda hi suma a sunuzinid’a 10:48

Mi hazi vuna á lazi batemba ki simiyê Jesus Christ. Bugola, suma hi Kornei-na a tchenem ala mi kak ki sed’ezi burâ tcha tua.

Sunda hi suma a sunuzinid’a 13:38

Kayam ndata, b’oziyona, ar agi wagi zla ndata: Ni kayam Jesus ba, a nga tchagi wala ala agi mbud’ugi hurugi yam tcho magid’a tua ba, Alona mba mi vat hurum mbei kagiya.

Sunda hi suma a sunuzinid’a 16:15

Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.

Sunda hi suma a sunuzinid’a 17:30

Kur atchogoi d’a bei wed’a, Alona mi gol suma ta, wani ki tchetchemba, mi he vuna ata yina pet ala suma a mbut huruzi yam tcho mazid’a.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Sunda hi suma a sunuzinid’a 22:16

Ki tchetchemba, ang djup mi me d’ei ge? Ang tchol akulo, ang le batemba, ang yi simiyê Salad’a, mi mbuzung tcho manga woyo.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Sunda hi suma a sunuzinid’a 8:12

Wani kid’a azi he gagazid’a yam Zla d’a Djivi d’a Filip mi tchat walat yam leud’a hAlona ki simiyê Jesus Christ-sa, andjofâ karopma, mi lazi batemba.

Sunda hi suma a sunuzinid’a 8:20

Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

Romê-na 6:3

Agi wagi nga d’ala ei pet suma lei batemba á kagei zlapa tu ki Jesus Christ-sâ, ei lei batemba ná zlabei tu ki sed’em kur mat mama d’uo zu?

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.