Sunda hi suma a sunuzinid’a 2:17 - Bible azumeina

¹⁷ Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Sunda hi suma a sunuzinid’a 2:17 Iomraidhean Croise

Ad’u Tinda 49:1

Jakob mi yï grom suma andjofâ gevemu, mi dazi ala: Agi togogïya! An dagi yam ahle suma a mba mba kagi ndjivina.

Ad’u Tinda 6:12

mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.

Sawal la giled’a 65:2

Alo mana, kur azì ma Siyon-na, nge nge pî mi ndak á gilengû, mi ndak á ndak vun vama mam hlang vunam kama mi.

Sawal la giled’a 72:6

Ar amulâ mi mbut ni d’igi alo ma mi se yam asu ma a tchawam mbeina na, mi mbut ni d’igi mbiyo alo ma mi d’idje andagad’ina na mi.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Ezekiyel 11:19

An mba ni hagi hur ma tuna, an mba ni hagi muzuk ma awilina kurugiya, an mba ni pat hurâ hahinad’a ma kurugina woyo, an mba ni hagi hurâ hi sanina kurugi

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Mise 4:1

Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Wana ni Zla d’a Djivi d’a Luc mi b’irita 3:6

Suma pet a mba we sut ta Alona mba mi sud’uzid’a.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Sunda hi suma a sunuzinid’a 11:27

Kur bur máma suma djok vun Alona a tcholï Jerusalem, a i Antiyos.

Sunda hi suma a sunuzinid’a 11:28

Ma dingâ adigazi simiyêm ala Agabus mi tchol akulo. Muzu’â hAlonina mi zud’um mi dala: Baktara d’a ngola mba d’i nde yam andagad’a pet. Gagazi, baktara ndata ti nde kur atchogoid’a hi ma te yamba Klaut-ta mi.

Sunda hi suma a sunuzinid’a 2:16

Wana ni vama ma djok vun Alona Joel mi dum mbei ala:

Sunda hi suma a sunuzinid’a 2:18

Gagazi, kur bur máma an mba ni vo Muzuk mana yam azungeî mana, yam yugunei mana mi, azi mba djogon vunanu.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 21:9

Mam nga ki grom yuguneina fid’i suma a nga djok vun Alonina.

Romê-na 5:5

Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Jacques 5:3

Lor magid’a ki bege magi d’a hapa a tchor wa. Tchor ndata mba d’i le glangâs ma tchona kagiya, mba d’i ngalagi hliwigi d’igi akud’a na mi. Agi togogi wa ndjondjoî magid’a yam bur ma dabid’a.

2 Pierre 3:3

Ar agi wagi woi avok tua, kur bur ma danana suma las suma a mba mba á las suma, a mba tit kur d’od’oka hi hliu tazid’a kur min mazid’a.