Sunda hi suma a sunuzinid’a 18:18 - Bible azumeina

¹⁸ Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Sunda hi suma a sunuzinid’a 18:18 Iomraidhean Croise

Ndumba 6:18

Ata yi máma sama mi tin tam irat vat á le sun nda Nazir-ra máma, mi wel yam mbei ki dudumam avun zlub’u d’a ngaf tad’a, mi yo tumus ndata, mi tchugut kä aduk aku d’a nga d’i ngal vama ngat buzu ma zlap darigïd’id’a.

Ndumba 6:2

Ang i de mi Israel-lâ ala: Ma didina mi dala: Le atchad’a d’oze mandjufâ mi hle vunam á tin tam irat vat á le sun nda a yat ala Nazir-ra ni,

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Marik 6:46

Bugol la mi tin ablau suma woi ta d’a, mi djak akulo yam ahinad’a á tchen Alona.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 15:23

A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 15:41

Mi kal yam andaga d’a Siri-d’a ki d’a Silisi-d’a, nga mi sira suma toka ngingring kur he gagazid’a.

Sunda hi suma a sunuzinid’a 18:2

Mi fe ma Juif-fâ, simiyêm ala Akila, ambas mamba ni Pong. Azi kamamba Prisil a tcholï Itali, a mba Korente kur bur máma, kayam ma te yamba Klaut mi he vuna ala Juif suma kur Rom-ma pet a buzuk keyo. Paul mi i geveziya.

Sunda hi suma a sunuzinid’a 18:26

Mi tin ad’ud’a á tchi wala bei mandarâ ba kur gong nga toka hi Juif-fîd’a. Wani kid’a Prisil azi ki Akila a hum zla mambid’a, a vum ataziya, a nga vum ad’u lovota hAlonid’a woi tetet.

Sunda hi suma a sunuzinid’a 18:27

Bugol la Apolos mi min i Akai-d’a, b’oziyoina a min ala mi i mi, a lum mbaktumba abom mi suma a he gagazid’a kur ambas ndatina ala a vum ataziya. Kid’a mi mbazid’a, mi ndjun suma a he gagazid’ina kayam Alona mi tagazi suma mamba.

Sunda hi suma a sunuzinid’a 21:23

Kayam ndata, ang le vama ami nga dangzina. Ami nga ki suma fid’i suma a hle vunazi mAlonina.

Sunda hi suma a sunuzinid’a 21:24

Ang yoziya, ang mbut tang yed’et ki sed’eziya, ang wurak kaziya, kayam azi wel yazi woyo. Hina wani, suma pet a mba wala zla d’a azi humut kanga ni zla d’a kad’a, wani azi mba wala ang nga ngom gata hi Moise-sa mi.

Sunda hi suma a sunuzinid’a 21:3

Kid’a ami mbami go ki til la Sipre-d’id’a, ami arat yam bigami d’a gulad’a, ami kalami gak mba mi sä Siri. Ami tchugumi asemi avo Tir; ni kua ba, azi mba yo ahlena hi batod’ina kä woyo.

Romê-na 16:1

An nga ni lagi glangâsâ yam wiyeid’a Fibi ta nga d’i le sunda kur Tok ka Sengkre-d’id’a.

1 Korente-na 9:20

Ata yima an nga ni le sunda aduk Juif-fîna, an mbut tan d’igi ma Juif-fâ na á fazi mi. An nga ad’u gata hi Moise-sa d’uo pî, ata yima an nga ni le sunda aduk suma a ge yazi kä ad’u gatina, an mbut d’igi ma ge yam kä ad’u gatina na á fazi mi.

Galat-na 1:21

Bugola, an i yam andaga d’a Siri-d’a ki d’a Silisi-d’a.