Sunda hi suma a sunuzinid’a 16:26 - Bible azumeina

²⁶ Atogo hina zak, andagad’a yir ngola, gak ad’u gong nga dangeina yir mi. Ata yi máma na wat, vun gongîyo suma dangeina a mal leyo, kindjing ma a djin ki suma dangeinina pet mi galal lei mi.

Sunda hi suma a sunuzinid’a 16:26 Iomraidhean Croise

1 Amuleina 13:28

ma djok vun ma mamar máma mi tchol mi iya, mi fum mad’am ged’a kä hur lovota, korona azi kazlona a nga tchola kamu, wani azlona mi mud’um nga d’i, mi ve nga korona d’uo mi.

Sawal la giled’a 102:20

Ei akulo dei Ma didina mi mbud’ï iram á gol yina. Ei kur yi mam ma bei tchod’a ba na, mi mbud’ï iram kä yam andagad’a

Sawal la giled’a 146:7

Nga mi ka ir zlad’a hi suma a nga djobozi vunazina, nga mi he tena mi suma meid’a nga d’i tchazina mi. Ma didina mi tchuk suma dangeina akulo,

Sawal la giled’a 68:6

Alo ma nga kaka kä ata yam ma mi tinim iram vamina nabu suma hokuyod’a, ni ma ndjun arop suma modonod’ina mi.

Sawal la giled’a 79:11

Ar ang hum yor tad’a hi suma a yozi dangeinina; kad’eng manga ang sut suma a nga avun matnina woyo.

Isai 42:7

á mal ir suma duka woyo, á buzuk suma a nga kur dangeinina ki suma a nga kaka kur gongîyo suma dangeina ata yima nduvundina woi abu mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Sunda hi suma a sunuzinid’a 12:10

Azi kal yam yima ndjol ma avo’â, a kal yam yima mbàna, a mbaza avun agrek ma kawei ma wura ma mi ndezi woi kur azî ma ngolîna. Vun máma mi mal lei avorozi katamu, azi buzuk keyo, a tchila yam palumba tu. Ata yi máma na wat, malaikana mi aramu.

Sunda hi suma a sunuzinid’a 12:7

Ata yi máma, malaikana hi Salad’ina mi nde tam mbei gen Pierre, b’od’a b’o kur gong nga dangeina. Mi tum Pierre fefed’emu, mi zlid’im akulo, mi dum ala: Ang tchol akulo atogo. Kindjing ma aboma mi tchuk kä.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

Sunda hi suma a sunuzinid’a 5:19

Wani malaikana hi Salad’ina mi mba andjege, mi mal vun gong nga dangeina woyo. Mi buzuguzi woi abua, mi dazi ala:

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 6:12

Ata yima Gor timina mi hô dubang ma karagayana woina, an gol andagad’a ti yir gigidji, afata ti mbut wurad’a d’igi baru d’a dodora na, tilâ mi mbut hleud’a d’igi buzuna na mi.