Sunda hi suma a sunuzinid’a 16:25 - Bible azumeina

²⁵ Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Sunda hi suma a sunuzinid’a 16:25 Iomraidhean Croise

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Sawal la giled’a 119:55

Ma didina, andjege dangâla an nga ni djib’er yam simiyêng á ngom gat manga.

Sawal la giled’a 119:62

Aduk andjege d’a dangâlad’a an nga ni tchol akulo á gileng yam sariya mang nga ka d’a d’ingêra.

Sawal la giled’a 22:2

Alo mana, Alo mana, ni kayam me ba, ang aran ndei ge? Ni kayam me ba, ang wal lei dei ki sed’en á ndjunun nge? Ni kayam me ba, ang hum tchi mana d’uo ge?

Sawal la giled’a 34:1

Ni sawal la David mi hlat ata yima mi mbut tam d’igi sama lilid’a na avok Abimele’â. Abimelek mi digim mbei avoromu, mi ge tam mi i mi.

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 71:7

Suma ablaud’a a golon ni d’igi vama atchapma na, kayam angî yi man ma ngei ma ad’engâ.

Sawal la giled’a 77:2

An nga ni tchi yam Alona ki delen akulo, an nga ni yAlona akulo, kayam mi tin humam mi humunu.

Sawal la giled’a 77:6

An nga ni djib’er yam bur ma kal leina, yam biza d’a kal lei dedeid’a mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 16:19

Ata yima suliyotna a we va mazi ma fe beged’a pat tei dad’a, a ve Paul azi ki Silas, a tanazi ad’u su’â avok suma te yamba.

Sunda hi suma a sunuzinid’a 16:33

Kur andjege ndata, mi yoziya, mi mbuzuzi mbilizi woyo. Ata yi máma na wat, a lum batemba ki suma avo hatama pet.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 5:3

Ni kayam ndata hol li, wani ei lei furîd’a kur ndak meid’a mi, kayam ei wei ala ndaka nga d’i mba ki ve tad’a,

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

Jacques 5:13

Sa nga adigagi kur ndaka zu? Ar mi tchen Alona. Sama le furîd’a mi nga adigagi zu? Ar mi hle sawal la gile Alona.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.