Sunda hi suma a sunuzinid’a 16:22 - Bible azumeina

²² Ablau suma pet a tchol akulo, a ndjak vunazi kaziya. Suma nglona a fogozi baru mazina woyo, a he vuna ala a tozi ki tutuguyona.

Sunda hi suma a sunuzinid’a 16:22 Iomraidhean Croise

Matiye 10:17

Agi gologi tagi djiviya, kayam suma a mba igi ata yima ka sariyad’a. Azi mba togi kur gongîyo mazi suma toka.

Matiye 27:26

Ata yi máma, Pilat mi gazi Barabas akulo, wani mi to Jesus ki blafâ. Mi hazizi ala a b’alam akulo ata aguna.

Wana ni Zla d’a Djivi d’a Luc mi b’irita 12:11

Fata azi mba igi avok suma ka sariyad’a kur gongîyo mazi suma toka d’oze avok amuleina d’oze avok suma te yambid’a, ar vunadigagi pat yam vama agi mba duma tala agi mba dagi nana ge d’a d’i.

Sunda hi suma a sunuzinid’a 16:37

Wani Paul mi dazi ala: A tomi woi ir suma pet bei ka sariyad’a kamiya, ami suma ala ni Romê-na na. Wani ki tchetchemba, azi min tchugumi akulo ki ngeid’a? Nga na d’i! Ar azi tazid’a a mba a tchugumi akulo.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 5:40

Azi hum zla mamba. Ata yi máma a yï suma a sunuzina, a toziya, a gad’azi ala: Ar agi dagi zlad’a ki simiyê Jesus d’i, a arazi a iya.

2 Korente-na 6:5

A nga tomiya, a nga tchugumi dangeina, a nga siwel kamiya. Ami nga kur sun nda kaud’a, ami nga burumi sen ndi, ami nga fami tena d’uo mi.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.