Sunda hi suma a sunuzinid’a 15:9 - Bible azumeina

⁹ Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Sunda hi suma a sunuzinid’a 15:9 Iomraidhean Croise

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Ezekiyel 47:22

Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna.

Sunda hi suma a sunuzinid’a 10:15

Dela ti dum kua ala: Vama Alona mi mbud’um mbei yed’etna, ang yum vama ndjendjed’a d’i.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 10:34

Pierre mi mal vunam mi dala: An we gagazi Alona nga mi pat sana ni yam iram go d’i.

Sunda hi suma a sunuzinid’a 11:12

Muzu’â hAlonina mi dan ala: Ang i ki sed’ezi bei gigrita. Ami ki b’oziyod’a suma karagaya suma a tinina, ami kalami avo hi Kornei.

Sunda hi suma a sunuzinid’a 14:1

Ata yi máma, Paul azi ki Barnabas a kal kur gong nga toka hi Juif-fîd’a avo Ikoniyum. A tchazi wala gak Juif-fâ ki Gre’â ablaud’a a he gagazid’a.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 9:24

Nala ni eya, ei suma mi yeina, naduk suma Juif-fâ hol li, wani naduk andjaf suma dingâ mi.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 7:18

Le Alona mi yi sama ngat bayâd’a ni, ar mi kak kur bayâ mamba. Le Alona mi yi sama bei ngat bayâd’a ni, ar mi hulong ngat bayâd’a d’uo mi.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.