Sunda hi suma a sunuzinid’a 15:7 - Bible azumeina

⁷ Kid’a a tchi tuguyod’a ngola aduk tazid’a, Pierre mi tchol akulo, mi dazi ala: B’oziyona, agi wagi kur bur ma kalâ, Alona mi manan adigagi kayam an tchi wal Zla d’a Djivid’a mandjaf suma dingâ kayam a hum zla ndata, a he gagazid’a mi.

Sunda hi suma a sunuzinid’a 15:7 Iomraidhean Croise

Buzuk ka Abud’a 4:12

Ki tchetchemba, ang iya. An mba ni mbut vunangû, an mba ni had’ang vama ang mba duma.

Jeremi 1:9

Bugola, Ma didina mi mat abom mi don vunanu, mi dan ala: Gola! An tining wa zla manda avunangû.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Sunda hi suma a sunuzinid’a 1:16

B’oziyona, mbeî zla d’a b’ir ra Muzuk ma bei tchod’a ba na mi dat avun David yam Judas ma mba mi tak lovota mi suma á ve Jesus-nid’a ti ndaga.

Sunda hi suma a sunuzinid’a 1:24

A tchen Alona kazi ala: Salad’a, ang ma we hur suma petna, ang tagami aduk suma mbà ndazina sama ang manama,

Sunda hi suma a sunuzinid’a 10:19

Kid’a Pierre nga mi djib’er yam vama nde tam mbei irama tua d’a, Muzu’â hAlonina mi dum ala: Pierre, suma hindi a nga halangû.

Sunda hi suma a sunuzinid’a 10:20

Ang tchol akulo, ang tchugaseng kä, ang i ki sed’ezi bei gigrita, kayam ni an ba ni sunuzïya.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 15:14

Simon mi vei ad’ud’a ni nana ba, avok Alona mi man suma aduk andjaf suma dingâ á mbud’uzi sum mama ge.

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Sunda hi suma a sunuzinid’a 15:39

Tuguyod’a tchol adigazi ngola, gak a wala. Barnabas mi ve Marik ad’umu, a djak kur batod’a, a i Sipre.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:16

Suma hat suma Sesare-na a mba ki sed’emi mi. A imi avo hi Minason ma Sipre-na, ni ma ami mba tchugumi avo hatama. Sa máma ni ma he gagazid’a avok deina.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Sunda hi suma a sunuzinid’a 4:25

D’igi Muzuk ma bei tchod’a ba na mi zut abumi ngolo David azong mangâ na ala: Ni kayam me ba, andjaf suma dingâ a nga siwel hina gandjau ge? Ni kayam me ba, suma a nga djib’er djib’er ra hawa yaka hina ge?

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Filip-ma 2:14

Ar agi lagi ahlena pet bei gureîd’a, bei tuguyod’a mi,