Sunda hi suma a sunuzinid’a 15:33 - Bible azumeina

³³ Kid’a azi kak sä kua burâ tchad’a, b’oziyozina a tinizi ki lafiya, a hulong gen suma a sunuzïna. [

Sunda hi suma a sunuzinid’a 15:33 Iomraidhean Croise

Ad’u Tinda 26:29

Ang gunumi tang ala ang mba lami tchod’a d’uo d’igi ami lang nga tchod’a d’uo na mi. Ami arang lovota ang i ki halasa; ki tchetchemba, angî sama Ma didina mi b’e vunam kangâ.

Buzuk ka Abud’a 4:18

Moise mi hulong avo gen akunoma Jetro, mi dum ala: Ang aran an i gen b’oziyona avo Ezipte á golozi na ni a nga ni hawa ko zu? Jetro mi hulong dum ala: Ang i lafiya.

Marik 5:34

Wani Jesus mi dat ala: Goronda, he gagazi maka sud’uk wa da’. Ndak i lafiya, ndak wal lei ki ndak maka da mi.

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:34

Wani Silas mi djib’er ala mi kak sä kua.]

Sunda hi suma a sunuzinid’a 16:36

Ma ngol ma ngom vun gong nga dangeinina mi de mi Paul ala: Suma ka sariyad’a a sunï ala an tchugugi akulo. Kayam ndata, agi buzugugiya, agi igi lafiya.

1 Korente-na 16:11

Ar sa golom is si, wani ar agi ndjunum kur tit mamba ki b’leng nga halasa, tala mam mba fanu d’a, kayam an nga ni djubum ka hî ki b’oziyoina.

Hebre-na 11:31

Ni yam he gagazid’a ba, Rahap atcha d’a gaulangâ ti mit nga zlapa ki suma bei hum vun Alona d’i, kayam ti ve suma d’u yina atat ki djivid’a.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.