Sunda hi suma a sunuzinid’a 14:26 - Bible azumeina

²⁶ Ata yi máma, a djak kur batod’a, a i Antiyos. Ni yima azi tcholï kua adjeu kid’a suma nglona a tchen Alona kazi kayam mi ndjunuzi yam sun nda azi dabat wanda d’a.

Sunda hi suma a sunuzinid’a 14:26 Iomraidhean Croise

Sunda hi suma a sunuzinid’a 11:19

Suma a he gagazid’ina a b’rau woi yayak abo djop vun ma mba kazi kur bur ma a tchi Etienne-na. Suma dingâ adigazi a i kur Fenisi ki Sipre ki Antiyos, wani a nga tchi wal zlad’a hAlonid’a ni mi Juif-fâ hohol.

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 11:27

Kur bur máma suma djok vun Alona a tcholï Jerusalem, a i Antiyos.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:21

Bugol la azi tchi wal Zla d’a Djivid’a kur azì ma ngol mámid’a, suma ablaud’a a mbut suma hata. Paul azi ki Barnabas a hulong kur Listre, Ikoniyum ki Antiyos sa Pisidi-d’a.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:30

Ata yi máma, azi tiniziya, a i Antiyos, a tok ablau suma toka, a hazi mbaktum ndata.

Sunda hi suma a sunuzinid’a 15:40

Wani Paul mi man Silas. Kid’a b’oziyoina a tchen Salad’a kazi tchenda, a arazi a iya.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Galat-na 2:11

Ata yima Pierre mi mbaza Antiyos-sâ, an ngobom avok suma pet, kayam zlad’a nga kamu.

Kolos-sâ 1:25

Ni hina ba, an mbut ma sunda hi Tok ndatina. Ni sun nda Alona mi handji kagi á tchi wal zla mamba woi abu teteta,

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Kolos-sâ 4:17

Agi dagi mi Arkip ala: Ang gol tang djiviya, ang ndak vun sun nda Salad’a mi hangzid’a memet.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.