Sunda hi suma a sunuzinid’a 13:36 - Bible azumeina

³⁶ Bugol la David mi le sunda kur atchogoi mamba kur minda hAlonid’a led’a, mi mid’a. A tozom gen abuyom ngolo, mi tchima.

Sunda hi suma a sunuzinid’a 13:36 Iomraidhean Croise

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

1 Amuleina 2:10

David mi mit mi i azulei kä ad’u abuyom ngolo. A tozom kur Azì ma ngolâ hi David-na.

1 Sunda Hamuleinid’a 11:2

Avok ka Saul nga mi tamula kami tua d’a, ni ang ba, i ki Israel-lâ á durâ, ang hulong ki sed’ezi avo mi. Ma didina Alo mangâ mi dang ala: Ni ang ba, mba pol man suma Israel-lâ, ang mba kak amula kazi mi.

1 Sunda Hamuleinid’a 17:11

Fata burung ndak ang mba mit i azulei ad’u abuyonga, an mba ni tchol gorong ma kurungâ blogongû, an mba ni hum ad’enga á tamula.

1 Sunda Hamuleinid’a 18:14

David mi te yam Israel-lâ pet, mi nga mi ka sariyad’a yam sum mama pet ki d’ingêra mi.

1 Sunda Hamuleinid’a 29:28

David mi le bizad’a ablaud’a, mi djeng mamara kikra, mi mit ki furîd’a. Mi ni sama ndjondjoîna, ni sama suma a suburum heîna. Goroma Salomon mi vrak tamula blangâmu.

2 Sunda Hamuleinid’a 12:16

Robowam mi mit mi i azulei kä ad’u abuyom ngolo, a tozom kur Azì ma ngolâ hi David-na. Goroma Abiya mi vrak tamula blangâmu.

2 Sunda Hamuleinid’a 21:1

Josafat mi mit mi i azulei kä ad’u abuyom ngolo. A tozom gevezi kur Azì ma ngolâ hi David-na. Goroma Joram mi vrak tamula blangâmu.

2 Sunda Hamuleinid’a 26:23

Ata yima mi mitna, a tozom zlapa ki simiyêm ata yima a tos amuleina kuana, wani nga ni kur zul mazid’a d’i, kayam a dala mam mi sama libina. Goroma Jotam mi vrak tamula blangâmu.

2 Sunda Hamuleinid’a 9:31

Salomon mi mit mi i azulei kä ad’u abuyom ngolo. A tozom kur Azì ma ngolâ habum David-na. Goroma Robowam mi vrak tamula blangâmu.

Wana ni mbaktumba hi Job-pa 17:14

le an de masud’a ala: Nda’î abunu, le an de mi ndjuvulâ ala: Angî asun ki wiyenda,

Wana ni mbaktumba hi Job-pa 21:26

Azi ki zla tazi djak a bur kä aduk andagad’a; atogo hina zak ndjuvulâ mi tchuguziya.

Sawal la giled’a 49:14

Wana ni zlad’a hi suma a nga tin huruzi yam azi tazi go na, ki zlad’a hi suma tazi lazi djivid’a á hum zla mazid’ina mi. Tchol ndjö

Sawal la giled’a 49:9

Kayam gusa hi sanid’a ti kal ngola heî; sana mi ndak á fe va á gus tam mbi.

Matiye 25:16

Ata yi máma na wat, ma ve talanda vahlâ, mi i mbut abom ki sed’ed’u, mi fe mbina kat kua vahl.

Jean 11:39

Jesus mi dazi ala: Agi ligad’agi ahinad’a woyo. Marta ma mitna wiyemba, ti dum ala: Salana, mi bu da’, kayam mi le burâ fid’i.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Sunda hi suma a sunuzinid’a 2:29

B’oziyona, aran an dagi zlad’a yam abui ngolo David woi mbak. Mi mid’a, a tozomu, asuwam nga adigei gak ini.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

1 Korente-na 15:6

Bugola, mi nde tam mbei ir mam suma hata kal kikis vahl; ablaud’a adigazi a nga ki irazi ini, wani suma hiuna a bo wa.

1 Tasaloni’â 4:13

B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.