Sunda hi suma a sunuzinid’a 13:32 - Bible azumeina

³² Ami mbagi ni Zla d’a Djivi d’a Alona mi hle vunam kat mabuyoi ngolod’a.

Sunda hi suma a sunuzinid’a 13:32 Iomraidhean Croise

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Ad’u Tinda 26:4

An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 41:27

Ni an ba, mba ni de zlad’a avok mi Siyon, ni sunï ma mba ki zla d’a djivid’a avo Jerusalem mi.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Wana ni Zla d’a Djivi d’a Luc mi b’irita 1:19

Wani malaikana mi hulong dum ala: An ni Gabriel ma nga tchola avok Alona á lum sundina. Mi sununï á dang zlad’a, á mbang zla d’a djivi ndata mi.

Wana ni Zla d’a Djivi d’a Luc mi b’irita 2:10

Malaikana mi dazi ala: Agi lagi mandar ri, an mbagi ni Zla d’a Djivi d’a furî d’a yam suma peta.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Sunda hi suma a sunuzinid’a 13:23

Nad’u andjafâ hi David-na ba, Alona mi he Jesus ma Suta mi Israel-lâ yam vun mam ma hled’a.

Sunda hi suma a sunuzinid’a 13:38

Kayam ndata, b’oziyona, ar agi wagi zla ndata: Ni kayam Jesus ba, a nga tchagi wala ala agi mbud’ugi hurugi yam tcho magid’a tua ba, Alona mba mi vat hurum mbei kagiya.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 26:6

Ki tchetchemba, an nga tchola ata yima ka sariyad’a kayam an tin hurun yam vun ma hle ma Alona mi hlum mabuyomi ngolona.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Sunda hi suma a sunuzinid’a 5:42

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

Romê-na 1:2

Alona mi hle vunam yam Zla d’a Djivi ndata avok dei mi mam suma djok vuna, kur mbaktum mba a tinit irat vata.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

Gat ta a hat á mbàd’id’a 18:15

Ma didina Alo magina mba mi tchol ki ma djogom vunama tu ma adugï b’oziyogina ma d’igi an na na. Agi mba humugi zla d’a mam mba mi dagizid’a.