Sunda hi suma a sunuzinid’a 13:23 - Bible azumeina

²³ Nad’u andjafâ hi David-na ba, Alona mi he Jesus ma Suta mi Israel-lâ yam vun mam ma hled’a.

Sunda hi suma a sunuzinid’a 13:23 Iomraidhean Croise

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 43:11

Anu, an ni Ma didina! Alo ma sut ma ding nga woi keng vam mbi.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 1:1

Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 21:9

Ablau suma a nga tit avoroma kablau suma a nga tit blogoma, a nga er ad’uzi akulo ala: Suburi David goroma. Ar Alona mi b’e vunam yam sama nga mi mba ki simiyê Ma didinina. Suburi Alo ma sä akulona.

Matiye 22:42

Agi djib’eregi nana yam Mesi ge? Mi ni nge goroma ge? A hulong dum ala: Ni David goroma.

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

Jean 4:42

Azi de matcha ndata ala: Ki tchetchemba, ami hami gagazid’a ni yam de maka hol li, wani ami tami humumiya, ami wami gagazi mam mi Ma sut suma kur duniyad’ina.

Jean 7:42

Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?

Sunda hi suma a sunuzinid’a 13:32

Ami mbagi ni Zla d’a Djivi d’a Alona mi hle vunam kat mabuyoi ngolod’a.

Sunda hi suma a sunuzinid’a 2:30

Kayam mam mi ma djok vun Alona, mi wala Alona mi hlum vuna ki gun tad’a ala mba mi pat sana tu ad’u ndjavam kuruma á kak yam zlam mam mba amula.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Sunda hi suma a sunuzinid’a 4:12

Suta nga ata sama ding ngi, kayam simi ma ding ma nga yam andagad’a ka hî ma Alona mi hum aduk suma mala ei fei ki suta atamu na, mi nga d’i.

Romê-na 1:3

Zla d’a Djivi ndata ni yam Gorom ma a vud’um ad’u andjafâ hamulâ David-nina,

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Wana ni mbaktum mba Paul mi b’irit mi Tit-ta 1:4

An nga ni b’iring mbaktum mba wanda mi ang Tit, goron ma irat ma kur he gagazi d’a ei nga kurut petina. Alona Abui ki Jesus Christ ma sud’ina a vang sumad’a ki b’leng nga halasa.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

2 Pierre 1:11

Hina wani, Alona mba mi malagi lovota hotot á kalagi kur leu d’a didinda hi Salei ma suta Jesus Christ-sa.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.