Sunda hi suma a sunuzinid’a 13:19 - Bible azumeina

¹⁹ Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Sunda hi suma a sunuzinid’a 13:19 Iomraidhean Croise

Ad’u Tinda 12:5

Abram mi vamamba Sarai ki wiyema goroma Lot ki bege mazid’a pet ki magumei suma azi guzuzi avo Haran-na. Azi i yam andaga d’a Kanan-nda. Kid’a azi mbaza yam ambas sa Kanan-ndid’a,

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

1 Amuleina 6:1

Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

Nehemi 9:24

Grozina a te yam ambas ndata; suma Kanan-na ang gazi yazi kä avoroziya, ang hazizi aboziya, azi kamulei mazina ki suma yam ambasina mi tala azi le vama huruzi mina ki sed’eziya d’a.

Sawal la giled’a 135:11

nala, Sihon, amul ma Amor-râ, Ok, amul ma Basan-na, kamulei suma Kanan-na pet mi.

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Isai 34:17

Mi le togina kaziya, mi ngazi andagad’a ki ziyona kabomu; ti arî va mazid’a gak didin, a mba kak kat atchogoid’a katchogoid’a mi.

Sunda hi suma a sunuzinid’a 7:45

Abuyoi ngolo a yo zlub’u ndata, a nga tit ad’u Josue, a mba kur andagad’a handjaf suma ding suma Alona mi digizi woi avorozina. Zlub’u ndata ar gak kur atchogoid’a hi David-ta.

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Josue 14:1

Wana nandaga d’a Kanan nda a b’rawat djona mi Israel-lîd’a. Ma ngat buzuna Elazar ki Josue Nun goroma ki suma nglo suma avok andjafâ hi Israel-lâ a b’rawat djona mi Israel-lîna.

Josue 18:10

Josue mi le togina kazi avo Silo avok Ma didina, mi b’rau ambasa aduk Israel-lâ, nge nge pî mi fe b’rau mamba.

Josue 19:51

Wana nandaga d’a ma ngat buzuna Elazar azi ki Josue Nun goroma ki suma nglo suma avok andjafâ hi Israel ma tetengâ, a b’rawat djona aduk tazi ki togina avok Ma didina avo Silo avun zlub’u d’a ngaf tad’id’a. Ni hina ba, a dap kambasa b’raud’a djona aduk taziya.

Josue 23:4

Gola! An b’rawagiya wa andagad’a handjaf suma an kus kazina ki d’a hi suma an ar bei kus kazina aduk alum ma Jurdê-na abo ma yorogona kalum ma ngol ma Mediterane-na abo ma fladegena djona ki togina ad’u andjavagi ad’u andjavagiya.

Josue 24:11

Agi djagagi alum ma Jurdê-na, agi mbagi Jeriko. Suma Jeriko-na a tchol durâ ki sed’egiya, nala, suma Amor-râ, suma Peris-sâ, suma Kanan-na, suma Het-na, suma Girgas-sâ, suma Hef-fâ ki suma Jebus-sâ. An hagizi abogiya.

Suma ka sariyad’a 11:26

Gola! Ini ni biza d’a kikis hindid’a Israel-lâ a nga kaka avo Hesbon kazì ma nguyuma, avo Arower kazì ma nguyuma, kur azì ma nglona pet ma nga avun alum ma Arnon-nina. Ni kayam me ba, agi hlagizi kur atchogoi ndata d’uo ge?