Sunda hi suma a sunuzinid’a 12:20 - Bible azumeina

²⁰ Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Sunda hi suma a sunuzinid’a 12:20 Iomraidhean Croise

Ad’u Tinda 10:15

Kanan mi vut Sidon gorom ma avo’â ki Het.

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

2 Sunda Hamuleinid’a 2:10

An lut nga afut gemena tonna 6000, afut awu orsâ tonna 6000, süm guguzlud’a lidirâ 800.000, mbulâ lidirâ 800.000 yam azungeî mang suma ka aguna.

2 Sunda Hamuleinid’a 2:15

Sama ngolâ, ki tchetchemba, ang sununï gemena, awu orsâ, mbulâ ki süm guguzlud’a suma ang dazi zlazina mi ami azungeî mangâ.

Esdras 3:7

A he bege d’a hapa mi suma tchet ahinad’a ki suma tchet aguna. A hahle suma tena, ahle suma tched’a ki mbulâ mi suma Sidon-na ki suma Tir-râ, kayam a djagï agu sedre ma Liban-na woi kur alum ma ngolâ gak a mbam Jafa d’igi Sirus amul ma Perse-na mi heï vuna na.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

Zla d’a d’ogolâ 20:18

Nga hurâ mi ndak memet nata d’al ma ded’a. Nata d’al ma ded’a ba, ang dur ayî ma djivina ata lovod’om mi.

Zla d’a d’ogolâ 25:8

Ang kal tang ata yima ka sariyad’a atogo zak ki. Le ndrangâ mi mbud’ung wa zulona ni, ang mba le ni nana ge?

Ma tchi wala 10:4

Le sama te yamba hurum zal kangû ni, ang ar yi mang ma sunda woi d’i, kayam kak ka mudjuka nga d’i ve vun hur ma zal ma tchona kä.

Ezekiyel 27:17

Suma Juda-na ki Israel-lâ a nga mbut abozi ki sed’eng mi. A nga mbang kawu ma Minit-na ki dubangâ kayuma ki mbulâ ki mbul ma his ma afufuîna á mbud’uzi kahligiyengû.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Sunda hi suma a sunuzinid’a 12:21

Kid’a bur ma Herot mi ngazizina mi ndaka, mi tchuk baru mam mba amula atamu, mi kak yam zlam mba amula, nga mi dazi zlad’a.

Sunda hi suma a sunuzinid’a 21:3

Kid’a ami mbami go ki til la Sipre-d’id’a, ami arat yam bigami d’a gulad’a, ami kalami gak mba mi sä Siri. Ami tchugumi asemi avo Tir; ni kua ba, azi mba yo ahlena hi batod’ina kä woyo.

Sunda hi suma a sunuzinid’a 21:7

Ata yima ami dabami tit mami d’a Tir-ra dapma, ami mbami sä Potolemeis, ami gami b’oziyoina depa, ami lami burâ tu ki sed’eziya.

Josue 19:29

Ti yoï hagad’a abo ma Rama-na, ti kal gak ti mbaza avun azì ma ngol ma ad’eng ma Tir-râ, ti kal ti i Hosa, ti i dabï avun alum ma ngol ma Mediterane-na hur ful la Aksip-pa.