Abdiyas 1:21 - Bible azumeina

²¹ Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Abdiyas 1:21 Iomraidhean Croise

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

2 Amuleina 13:5

Ata yi máma Ma didina mi sunï sama sud’uzi woi abo suma Siri-na, kayam azi kak kur aziyazi d’igi avoka na.

Nehemi 9:27

Ni kayam ndata ba, ang arazi abo mazi suma djangûna, a lazi ndaka. Wani ata yima azi nga kur ndakina, a tchi kangû, ang tang humuzï akulo dei. Yam we hohou mang nga ngola, ang hazi suma a prud’uzi woi abo mazi suma djangûnina.

Sawal la giled’a 102:15

Kayam ami azungeî mangâ hurumi ve ahuniyô matna, b’lak mazid’a hohoud’a ti vami ad’uziya.

Sawal la giled’a 22:28

Suma yam andagad’ina pet a mba djib’er yam Ma didina, a mba mbeï gevemu; andjaf suma pet a mba grif kä andaga avoromu.

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Sawal la giled’a 47:7

Ar agi gilegi Alona ki sawala, agi gilegiziya! Agi gilegi amul meina ki sawala, agi gilegiziya!

Sawal la giled’a 67:4

Alo mamina, ar andjaf suma a suburungû, ar andjaf suma pet a suburungû.

Isai 19:20

Mba mi mbut ni vama taka á le glangâsâ ala Ma didin ma ad’engêm kal petna mi nga aduk Ezipte-na. Ata yima Ezipte-na a mba nde yi Ma didina á ndjunuzi á ngop suma a nga kid’eyêzi irazina, mam mba mi sunuzi ma sut ma mi ndjun kazi mi prud’uzi woina.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Daniel 12:3

Suma ned’a a mba b’o wile d’igi hur alona na, suma a mba hat suma ablaud’a d’ingêrina a mba wile d’igi tchitchiud’a na burâ ki burâ gak didin.

Daniel 2:35

Ata yi máma kawei ma wurana, lubu ma ab’lorina, kawei ma hleuna, kawei ma hapma ki lora zla tazi pet a mbut d’igi guguma na mi, simetna mi felezi woi d’igi suma a sir awuna kur ambid’a’â awali na, simetna mi i ki sed’ezi bei wazi yazi ma a i kuana ba. Wani ahina d’a ti nde yam vama a tchet mámid’a, ti mbut ahina d’a fiyak ka ked’iwurenga, ti oî yam andagad’a pet.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Mise 4:7

Suma dileîd’a an mba ni sud’uziya, suma a yozi magomba woi adjeu deina a mba mbut andjaf ma sib’ika. An Ma didina mba ni te kazi yam ahina d’a Siyon-nda tinï ad’ud’a ata yi máma dei gak didin.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

Jacques 5:20

ar agi wagi ala sama hulongî sama tchona woi kur lovot mam mba tchod’ina, mi sut ni sa máma woi kur matna. Tcho mam mba ablau ndata, Alona hurum mba vat tei kat mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.

Suma ka sariyad’a 2:16

Ma didina mi tinizi suma nglo suma avorozi suma a sud’uzi woi abo suma a nga hurumuzina.

Suma ka sariyad’a 3:9

Israel-lâ a nde tchi yam Ma didina; Ma didina mi tchol ki ma sud’uzina Otniyel Kenas ma Kalep wiyem ma gorâ goroma.