Abdiyas 1:18 - Bible azumeina

¹⁸ Suma hi Jakob-ma a mba mbut ni d’igi akud’a na, suma hi Josef-fâ a mba mbut ni d’igi sin akud’a na. A mba ngal suma hi Esau-na woi d’igi akud’a ti ngal kuzad’a na, sa mam tu pî mba mi ar ri, kayam an Ma didina ni de na.

Abdiyas 1:18 Iomraidhean Croise

2 Samuel 19:20

Kayam an azong mangâ ni wala an le tchod’a. Kayam ndata, an ndeï ini avok kikidji aduk suma hi Josef-fâ á d’ugulong ang salana amulâ wana.

Buzuk ka Abud’a 5:12

Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Isai 47:14

Gola! Azi ni d’igi asu ma akud’a ngalama na. Azi ndak á sut tazi woi abo sin akud’a d’i, nga ni kiwil ma sana mi le ki tenina d’oze ma sana mi hol ki tama d’uo mi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Jeremi 11:23

Suma Anatot ndazina, sa mazi mba mi ar tu d’i, kayam an mba ni mba ki ndaka kazi kur biza d’a an mba ni mba á ngobozid’a.

Ezekiyel 37:16

Ang gor sana, ang hlaguna tu, ang b’ir atam ala: Wana ni mi Juda ki Israel suma a zlap ki sed’ema. Bugola, ang hlagu ma dingâ, ang b’ir atam ala: Wana ni Josef Efraim abum ki Israel suma a zlap ki sed’ema mi.

Ezekiyel 37:19

ang hulong dazi ala: Salad’a Ma didina mi dala: Agi golonu! An hlaguna hi Josef ma nga abo Efraim-ma zlapa kandjaf suma Israel suma a nga zlapa ki sed’ema, an mba ni djinizi kaguna hi Juda-na, an mba ni mbud’uzi nagu ma tuna hur abonu.

Joel 2:5

Ang ala ni siwela hi pus ma dur ayî ma nga mi pir akulo yam ahuniyônina na, d’igi siwela hi sin aku d’a nga d’i ngal kuzad’id’a na, d’igi andjaf suma ad’eng suma a ndjar á dur ayînina na mi.

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Abdiyas 1:16

Agi Israel-lâ, agi tchagiya wa kur kop man ma ayîna yam ahina man nda a tinit irat vata. Andjaf suma dingâ a mba tchumî hina baba, azi mba tchum gak a gurut kiya. Bugola, azi mba dap pei ki irazi fafat.

Mise 5:8

Ang hlabong akulo yam mang suma djangûna, ar ang kizagazi woi pet!

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

1 Korente-na 3:12

Wani sama mi min katna, le ni ki lora, d’oze kawei ma hapma, d’oze ahina d’a guzut kal teglesa, d’oze aguna, d’oze asuna, d’oze kuzad’a ni,