2 Timote 4:14 - Bible azumeina

¹⁴ Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

2 Timote 4:14 Iomraidhean Croise

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

Sawal la giled’a 28:4

Ang wuragazi yam sun mazid’a, yam murud’um mba azi lata, ang wuragazi yam sun nda a lat kabozid’a, ang wuragazi ndak yam sun nda azi tazi lata.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Hor ma tchina 3:64

Ma didina, ang lazi d’igi azi lan an na mi.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 2:6

Ata yi máma Alona mba mi wurak nge nge pî yam sun mam mba mi lata.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

2 Timote 4:15

Ang gol tang djivi ki sed’emu, kayam mi tchol ki sed’emi ad’enga heî ki zla mamid’a.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

1 Samuel 24:12

Abunu, ang gol vun baru mang nga ngola abon wana! Kid’a an ngat vun baru manga an tchang nga d’uo d’a, ang wala an nga ki zla ki sed’eng ngi, d’oze tcho nga kurun ki sed’eng ngi, an le nga tcho avorong nguo mi. Wani ang nga burun kä á tchid’a.