2 Timote 3:11 - Bible azumeina

¹¹ djop vun mana, ndak manda mi. Ang wahle suma a mba kan avo Antiyos ki Ikoniyum ki Listre-na. An ve tan ad’enga kur ahle ndazina pet, wani Salad’a mi pad’an ndei kuruzi mi.

2 Timote 3:11 Iomraidhean Croise

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

2 Samuel 22:1

Ata yima Ma didina mi prut David tei abo mam suma djangûna petna, kal pet nabo Saul, ata yi máma David mi hle sawal la wanda mi Ma didina:

2 Samuel 22:49

Ang sud’un ndei abo man suma djangûna, ang tinin á kus ayîna yam man suma djangûna, ang sud’un ndei abo sama murud’umba mi.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 37:40

Ma didina nga mi ndjunuziya, nga mi prud’uzi woi mi, nga mi prud’uzi woi abo suma asa’atna, mi sud’uzi kayam azi ngei tazi natamu.

Sawal la giled’a 91:14

Ma didina mi dala: Kayamba mi le kanda, an mba ni prud’um mbeyo, an mba ni ngomom mi, kayam mi wan ndei tetet.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Jeremi 1:19

Azi mba durung ayîna, wani azi mba kus kang ngi, kayam an nga zlapa ki sed’eng á sud’ung ngeyo. An Ma didina ni de na.

Daniel 6:27

Ni ma nga mi sut sana, ni ma nga mi prud’um mbei mi na. Ni ma nga mi lahle suma simata kahle suma atchapma sä kur akulod’a, ka hî yam andagad’a mi na. Ni ma sut Daniel lei avun azlonina mi.

Sunda hi suma a sunuzinid’a 13:14

Paul azi a tchol kur Perge, a i kal kur Antiyos sa Pisidi-d’a, a kal kur gong nga toka hi Juif-fîd’a kur bur ma sabatna, a kak kä.

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Sunda hi suma a sunuzinid’a 14:8

Sana nga kur Listre ni ma a vud’um ki gugutud’a dei ma mi tit nga yam tu d’uo na.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 23:10

Ata yima tuguyo mazid’a nga d’i i avogovo’â, ma ngolâ hi azigarîna mi le mandarâ, kayam dam azi mba pau ini Paul leyo. Kayam ndata, mi he vuna mi azigarâ á surop kä á vumî kad’enga adigaziya, a mba ki sed’em hur gegerâ.

Sunda hi suma a sunuzinid’a 26:17

An mba pad’ang ngei abo Juif-fâ ki suma ding suma an mba ni sunung atazina.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Romê-na 15:31

Ar agi tchenegi Alona ala mi prud’un ndei abo suma bei he gagazi suma Jude-na, kayam he d’a hawa d’a an nga ki sed’et á it mi suma hAlona suma Jerusalem-mid’a a vat ki djivid’a mi.

2 Korente-na 1:5

D’igi ami fami ndaka ngola zlapa ki Christ na, Alona nga mi b’lengêmi hurumi ngola yam Christ mi.

2 Korente-na 1:7

Kayam ndata, ami tinimi hurumi kagi ngola. Ami wami ala le agi nga fagi ndaka zlapa tu ki sed’emiya ni, Alona mba mi b’lengêgi hurugi zlapa tu ki sed’emi mi.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.