2 Timote 3:10 - Bible azumeina

¹⁰ Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

2 Timote 3:10 Iomraidhean Croise

Daniel 1:8

Daniel mi nga hurum ala mi min mbut tam ndjendjed’a ki tena ki süm ma tched’a hamulîna d’i. Kayam ndata, mi tchen ma ngolâ hazungeîna hamulîna ala mi lum kad’enga á mbut tam ndjendjed’a ki tena ki süm ma tche máma d’i.

Wana ni Zla d’a Djivi d’a Luc mi b’irita 1:3

Ki tchetchemba, sama ngolâ, Teyofil, an tan ni hal ad’u ahle suma lena woi tetet kad’u tinda dei, an wala ni djivid’a iran á vang ad’ud’a yam ahle ndazina pet mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Sunda hi suma a sunuzinid’a 20:18

Kid’a azi mbaza gevemba, mi dazi ala: Agi tagi wagiya, ni nana ba, an kak adigagi ki dedei d’a an tin asen yam andaga d’a Asi-d’a gak ini ge.

Sunda hi suma a sunuzinid’a 26:4

Ad’u tinda kazongôn dei kahle man suma led’a ki tit man nda aduk simiyên kur Jerusalem-mba, Juif-fâ pet a we mi.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

2 Korente-na 1:17

Ata yima an djib’er hina na, an mbut ni sama mbàmbàd’a zu? D’oze vama an nga hurun kama, an nga hurun ni yam hliuna zu? An dala: Â, Â! ki Hawa, Hawa! ata yima tuna zu?

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Filip-ma 2:20

Kayam an nga ki sama ding ma mi djib’er kagi d’igi an na yam zla magid’ina nga d’i.

Filip-ma 2:22

Wani agi wagi Timote ni sama d’engzengâ. Mi ndjunun kur sunda hi Zla d’a Djivid’id’a d’igi gorâ nga mi le kabum na.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

1 Timote 1:3

Kid’a an tchol á i Maseduwan-nda, an gigid’eng ala ang kak avo Efes kayam ang he suma a nga hat hat ta tchod’ina vuna á hat hat ta tchod’a d’i.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

2 Pierre 3:11

Le ahle ndazina pet a mba b’lak kei hina ni, djivid’a agi tid’igi ni tit ta irata á le mandara Alona.