2 Timote 2:21 - Bible azumeina

²¹ Le sama wal tam mbei kahle suma tcho suma an dang kazina ni, mam mba mi mbut ni dei ma djivi ma Salama mi ndak á le sun nda djivi d’a lara ge pet ki sed’ema.

2 Timote 2:21 Iomraidhean Croise

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

Isai 1:25

An mba ni hlabon kan akulo á tongû, an mba ni mbuzung zozot manga woyo, an mba ni yagang zozot manga woi d’igi aku tchafa ti yak zozota hi kaweinid’a woi na.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Jeremi 15:19

Ma didina mi hulongôn humba ala: Le ang hulongî gevenu ni, an hulongông kur sun manda. Le ba ang de ni zla d’a hawa yaka d’uo ba, ang de ni zla d’a ndaka ni, ang mba mbut ni vunan ma ad’u kä na. Ni suma Juda-na ba, a mba hulongî gevengû, ni ang ba, mba hulong gevezi d’i.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

1 Korente-na 5:7

Ar agi pad’agi anguf fa adjeud’a woyo, kayam agi mbud’ugi yed’et d’igi afut ta awili d’a bei angufid’a na. Kayam vun til mei ma Pa’â mi tin ad’ud’a nata yima a ngat Christ d’igi Gor timi mei ma Pa’â na na.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

2 Korente-na 9:8

Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 2:16

Wani ar ang hazigang mi zla d’a de d’a hawa yak ka ndjak nga ki he gagazid’a d’uo d’a. Ni kayam zla d’a hina d’a ba, suma a mba wal lei kAlona ngola.

2 Timote 2:20

Kur gong nga ngola duguyona a nga, ni duguyo suma lora ki suma a lazi ki kawei ma hapmina hol li, wani duguyo suma aguna ki suma lubuna a nga mi. Duguyo suma hud’a a nga, suma bei hud’a a nga mi.

2 Timote 3:17

kayam sana hAlonina mi ndak memet á min tam á le sun nda djivi d’a lara ge pet.

2 Timote 4:11

Ni Luc tu ba, ar nga ki sed’enu. Ang ve Marik, mbeï ki sed’emu, kayam mam ndak á ndjunun kur sun manda.

Wana ni mbaktum mba Paul mi b’irit mi Tit-ta 3:1

Ang gazi humazi a ge yazi kä ad’u suma te yamba ki suma ad’enga, a humuziya, a min tazi á le sun nda djivi d’a lara ge pet.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.