2 Timote 2:2 - Bible azumeina

² Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

2 Timote 2:2 Iomraidhean Croise

Esdras 7:10

Kayam Esdras mi he tam á wäd’u zlad’a hAlonid’a, á tit yam gata hAlonid’a, á hat Israel-lâ yam gata hAlonid’a ki vun ma he ma tetengâ mi.

Esdras 7:25

Ang Esdras, ata ned’a Alona mi hangzid’a, ang tin suma ka sariyad’a ki suma nglona á ka sariyad’a hi suma pet suma sä abo alum ma Efrat-na woi hina ki suma a we gata hAlo mangîd’ina, ang tagat mi suma a wat nga d’uo na mi.

Nehemi 7:2

An he vuna mi wiyena Hanani azi ki Hananiya ma ngolâ hi gong nga ndjol la Jerusalem-mbina, ni sama d’engzeng ma le mandara Alona kal suma dingîna mi.

Sawal la giled’a 101:6

An mba ni tin iran yam suma d’engzeng suma yam ambasina, kayam azi kak gevenu; sama nga mi tit tit ta iratina ni mam ba, mba mi lan sunda.

Zla d’a d’ogolâ 13:17

Sama sun ma asa’atna nga mi mba ki ndaka, wani ma sun ma d’engzengâ nga mi mba ki suta.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Sunda hi suma hi Levi-nid’a 14:42

a yo ahuniyô suma dingâ, a kalazi balum ahuniyô suma a pad’azi woina, a tub’ok lubu ma dingâ á gulut ki ir gong ndata.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Ndumba 12:7

Wani an le nga hina kazong mana Moise si. Mam mi sama d’engzengâ aduk sum mana pet.

Matiye 13:52

Mi dazi ala: Kayam ndata, sama hat gat ma lara pî ma mbut tam ma hata yam leu d’a akulod’ina, mi hle tamî d’igi samazì ma nga mi yoï ahle mam suma awilina ki suma adjeuna woi ata yazi ma ngeid’ina na.

Matiye 24:25

Gola! An dagi wa ahlena woi avok da’.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

1 Korente-na 4:2

Kal pet, sama suma a halam á ngom ahlenina, mbeî mi ka’î ma d’engzengâ.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Kolos-sâ 1:7

d’igi ndrami ma sunda Epafras ma ami lami kam heîna mi had’agi na. Mam mi ma sun ma d’engzengâ hi Christ-sâ kagiya.

1 Timote 1:12

An nga ni le mersi mi Saleina Jesus Christ mam ma han ad’enga. Mi wan ala an ni ma d’engzengâ, mi tinin kur sun mamba mi.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

1 Timote 5:22

Ang b’at tang á tin abong yam sama ding á tinim kur sunda avok Toka atogo zak ki. Ang le darigïd’a ki tchod’a hi sama ding nguo mi, wani ang gol tang ped’et.

1 Timote 6:12

Ang dur ayî ma djivina yam he gagazid’a á ve ari d’a didin nda Alona mi yang kat ata yima ang de woi avok suma glangâsâ ablaud’ina.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

2 Timote 3:14

Wani ang tanga, ang kak ngingring kur ahle suma ang hat kuruzi suma ang wazi tetetna, kayam ang we suma a had’angzina.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.