2 Timote 2:19 - Bible azumeina

¹⁹ Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

2 Timote 2:19 Iomraidhean Croise

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 112:6

Sa máma mba mi giget ti; simiyêm mba mi yi gak didin mi.

Sawal la giled’a 34:14

Ar mi d’el sinam á de zla d’a tchod’a, ar mi d’el vunam á lop suma mi;

Sawal la giled’a 37:18

Ma didina mi we kaka hi suma iratnid’a ka hî yam andagad’a; a mba te djona gak didin.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Zla d’a d’ogolâ 10:25

Ata yima mbirlimba nga d’i kalâ, nga d’i i ki sama asa’atna, wani sama d’ingêrâ mi arî tchola ngingring burâ ki burâ.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Wana ni mbaktumba hi Aze-d’a 2:23

Ma didin ma ad’engêm kal petna mi de kua ala: Kur bur máma Zorobabel Salatiyel goroma, azong mana, an mba ni hlangû, an mba ni ngomongî d’igi tampong mana na, kayam an manangû. Wana ni zla d’a an Ma didin ma ad’engên kal petna ni data.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Ndumba 6:27

Ni hina ba, azi mba yan ki simiyên yam Israel-lâ; an mba ni b’e vunan kazi mi.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Matiye 7:23

Ata yi máma, an mba ni dazi woi ala: Agi suma le tchod’ina, an wagi nga d’i, agi hud’ugi sä woi dei gevenu.

Matiye 7:25

Alona mi se, mbiyo ma kä na mi kuza, babarâ mi le bibik giget gong ndata mi, wani ti to nga kä d’i, kayam mi gat ad’ut ni yam ahinad’a.

Marik 12:16

A mbamziya. Jesus mi djobozi ala: Angusa ki b’ir ra wanda ni hi nge ge? A hulong dum ala: Ni hi Sesar-ra.

Marik 13:22

Suma ka zlad’a a mba tchol a yi tazi ala azi ni Mesi; suma dingâ a dala azi ni suma djok vun Alona. A mba lahle suma simata kahle suma ndandalâ kayam ladjï lovota nga ni, a mba lop vun suma Alona mi manazina mi.

Wana ni Zla d’a Djivi d’a Luc mi b’irita 13:27

Mam mba mi dagi kua ala: An nga ni dagi woi mbak: Agi pet ni suma le tchod’ina, an we nga yima agi tchologï kuana d’i, agi hud’ugi sä woi dei gevenu.

Wana ni Zla d’a Djivi d’a Luc mi b’irita 6:48

Mi hle tamî d’igi sama mi min gonga mi djugot zula kä ngola mi gat ad’ut yam ahinad’ina na. Ata yima mbina mi kusa nga mi djangâ, mi wat gonga. Wani nga d’i giget ti, kayam ti min djivid’a.

Jean 10:14

An ni Ma pol tumiyô ma djivina. D’igi Abun mi wan an wAbun mi na, an we tumiyô mana, tumiyô mana a wan mi. Kayam ndata, an nga ni he tan ndei á matna yam tumiyô mana.

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 15:17

Kayam suma arâ pet a halan an Ma didina, suma pet suma an yazina a mba mbut sum mana.

Sunda hi suma a sunuzinid’a 9:14

Mi mba nga ka hî ni ki vun ma hed’a hi nglo suma ngat buzunina á djin suma pet suma a nga yang simiyêngâ.

Romê-na 11:2

Alona mi noî nga mam suma mi wazi avok deina woi d’i. Kayam agi wagi zla d’a mbaktumba hAlonid’a ti dat yam Elie ata yima mi kal yam Israel-lâ avok Alona ala:

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 15:20

An min tchi wal Zla d’a Djivid’a ata yima Christ simiyêm mi yi nga kua d’uo na hol. An le hina kayam an min ala an min va akulo yam ad’u ge d’a sama dingâ mi gata d’i.

Romê-na 15:9

kayam andjaf suma dingâ a subur Alona yam we hohou mamba mi. D’igi mbaktumba hAlonid’a ti de na ala: Kayam ndata, an mba ni suburung aduk andjaf suma dingâ, an mba ni gileng simiyêng ki sawala mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Romê-na 9:11

Kid’a grotna a nga bei vuta tua d’a, Alona mi de mi Rebeka ala: Ma ngolâ mba mi ge yam kä ad’u ma gorâ. Mi dat hina navok bei azi le vama djivina d’oze ma tchona tua, kayam nga hurâ hAlona ma yam suma mi manazinina ndak memet. Hina, nga nata sun nda led’a d’i, wani nata Alo ma yazina.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 8:3

Wani sama le yam Alonina, Alona nga mi wumu.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Galat-na 4:9

Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Efes-sâ 3:15

ma tin simina mandjaf ma lara ge pet ma sä kur akulod’a ki ma yam andagad’a mi na.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

1 Timote 3:15

Wani le yan ve ni, mbaktum ndata mba d’i tagang lovota ni nana ba, ang mba tit aduk suma hAlonina, tala aduk Toka hAlo ma arinid’a, tala ni gaf fa djik gagazid’a akulod’a ge.

1 Timote 6:19

Hina wani, azi to’î ahlena yam ad’u ge d’a djivid’a yam bur ma nga mbana, kayam azi fe ari d’a gagazid’a.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.

Vama ndum mbeina 2:13

An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.

Vama ndum mbeina 21:14

Gulumuna hi azì mámina a gum ad’umî kahinad’a dogo yam mbà. A b’ir simina hi suma a sunuzi suma dogo yam mbàna hi Gor timinina atad’u.

Vama ndum mbeina 22:4

Azi mba wum iramu, simiyêm nga b’ira avorozi mi.

Vama ndum mbeina 3:8

An wahlena pet suma ang nga lazina, an we ad’engêng nga nde, ang nga ge yang kä ad’u zla manda, angî sama d’engzengâ mi. Kayam ndata, an mal vun gonga woi avorongû, sama ndak á dugutna nga d’i.