2 Timote 2:10 - Bible azumeina

¹⁰ Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.

2 Timote 2:10 Iomraidhean Croise

Zla d’a d’ogolâ 8:35

Kayam sama fana mi fe narid’a, Ma didina mba mi wum hohowom mi.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Wana ni Zla d’a Djivi d’a Luc mi b’irita 22:57

Wani Pierre mi tin vunam mi dat ala: Atchad’a, an wum nga d’i.

Jean 11:52

ni kayam andjaf máma hol li, wani á tok Alona grom suma a b’rau woi yaya’â tu.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 17:9

An nga ni tcheneng kaziya, an nga ni tchenengî yam suma duniyad’a d’i, wani ni yam suma ang handjina, kayam azi ni mangâ.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

1 Korente-na 9:22

Aduk suma amangeîd’a kur he gagazid’ina, an mbut tan d’igi azi na á faziya. An le ki suma hina pet á sut suma hiuna adigaziya.

2 Korente-na 1:6

Le ami nga fami ndaka ni, ná b’lengêgi hurugi á sud’ugiya. Le ami hurumi b’lengâ ni, ná b’lengêgi hurugiya, kayam agi vagi tagi ad’enga kur ndak ka ami nga kuruta mi.

2 Korente-na 12:15

An nga ki furîd’a á b’lak ahle mana woi pet, á he tan ndei kagi á ndjunugi mi. Le an nga ni le kagi ngola kal hina ni, agi mba lagi kan akid’eid’a kal zu?

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

1 Tasaloni’â 5:9

Kayam Alona mi yï woi ná fe ndaka ad’u ayî mama d’i, wani ná fe suta yam Saleina Jesus Christ

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

2 Timote 1:1

Ni an Paul ma a sunuma hi Jesus Christ-sâ kur minda hAlonid’a. Mi tinin á tchi wal zla d’a ari d’a Alona mi hle vunam kat mi ei suma zlabei tu ki Jesus Christ-sâ.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

2 Timote 2:3

Ar ang fe ndaka zlapa ki sed’en d’igi azigar ma d’engzengâ hi Jesus Christ-sâ na.

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.