2 Timote 1:8 - Bible azumeina

⁸ Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 1:8 Iomraidhean Croise

Sawal la giled’a 119:46

An mba ni le glangâsâ woi yam vun mang ma hed’a avok amuleina; zulona mba mi lan nduo mi.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Wana ni Zla d’a Djivi d’a Luc mi b’irita 9:26

Kayam nge nge pî ma nga mi le zulona kan ki zla mandina, an Gor Sana mba ni le zulona kam fata an mba ni mbeï kur subur manda ki subura hAbunda ki malaika suma mi tinizi irazi vazina.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.

Jean 19:35

Mam ma we na, mi le glangâsâ. Glangâs mama ni gagazi, mi wala mi de ni zla d’a irata mi, kayam agi hagi gagazid’a kad’u.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Romê-na 8:36

D’igi mbaktumba hAlonid’a ti de na ala: Ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

1 Korente-na 1:6

Zla d’a glangâs sa a lat yam Christ-sa ti nga kaka adigagi ngingring.

2 Korente-na 6:7

ki wal mami d’a tchi d’a gagazid’a kad’enga hAlonid’a. Ami nga kahle suma dur ayî suma d’ingêrâ á sut tami á dur ayîna mi.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Filip-ma 1:7

Ni djivid’a an djib’er kagi pet hina, kayam an hurun vagi heî. Kayam agi nga zlapa ki sed’en yam sun nda djivi d’a Alona mi handji ki tchetchemba ata yima an nga kur dangeinina, ata yima an nga hawana, ata yima an nga ni tchi wal Zla d’a Djivid’ina mi.

Filip-ma 3:10

Vama an minima ná we Christ á we ad’enga hi tchol mam mba akulo aduk suma matnid’a kur tit manda, á fe ndaka zlapa ki mamu, á ndjak ki mat mama,

Filip-ma 4:13

An ndak á lahlena pet yam ad’eng nga Christ mi handjid’a.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

1 Tasaloni’â 3:4

Kid’a ami nga ki sed’egid’a, ami dagi woi adjeu ala ei mba fei djop vuna. Agi wagi ala mi mba wa da mi.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

2 Timote 1:10

Wani ki tchetchemba, Alona mi nde wa suma ndata woi yam mbad’a hi Ma sud’ina Jesus Christ-sa. Kayam Jesus Christ mi kus yam matna, mi nde ari d’a bei dabid’a ba d’a woi abu pî d’a yam Zla d’a Djivid’a.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 1:16

Salad’a mi we hohowa suma avo hi Onesifor-râ, kayam mi b’lengên hurun yam ablaud’a, mi le nga zulona yam dangei mana d’i.

2 Timote 2:3

Ar ang fe ndaka zlapa ki sed’en d’igi azigar ma d’engzengâ hi Jesus Christ-sâ na.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Vama ndum mbeina 1:2

Jean mi dahlena pet suma mi wazina, ni zla d’a tcholï avun Alonid’a ki gagazi d’a Jesus Christ mi ndat teid’a.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.