2 Timote 1:4 - Bible azumeina

⁴ An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

2 Timote 1:4 Iomraidhean Croise

Sawal la giled’a 126:5

Suma a nga zar ki simina irazina, a mba ze ki sawal la furîd’a.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Romê-na 1:11

Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

1 Tasaloni’â 2:17

B’oziyomina, kayam ami walami ki sed’egi burâ tcha bei wei ir tei kur hliuna, wani nga ni kur djib’era d’i, ami nga b’ad’ami tami heî á wagi iragiya,

2 Timote 4:21

Ang b’at tang á mbeï avok vun simetna. Eubulus azi ki Puden ki Linus ki Klaudiya ki b’oziyoina pet, a gang depa.

2 Timote 4:9

Ar ang b’at tang á fan ka tchetchem.

1 Jean 1:4

Ami nga b’irigi ahle ndazina, kayam furî meid’a ti ndak memet.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.