2 Tasaloni’â 3:10 - Bible azumeina

¹⁰ Kid’a ami nga ki sed’egi tua d’a, ami hagi vuna ala: Sama min le sunda d’uo na, ar agi hum tena d’i.

2 Tasaloni’â 3:10 Iomraidhean Croise

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Zla d’a d’ogolâ 13:4

Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.

Zla d’a d’ogolâ 20:4

Sama azulomba nga mi zum mbuo nabo ab’lenga, wani ata yima duta nga mi hala, nga mi fe va d’i.

Zla d’a d’ogolâ 21:25

Djib’era hi sama azulomba mba d’i tchumu, kayam mam min le sunda kabom mbi.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Jean 16:4

Wani an dagi ahle ndazina hina, kayam fata yi máma mbad’a, agi mba djib’eregi yam zla d’a an dagizid’a. Jesus mi dazi kua ala: An dagi nga ahle ndazina avok kei d’i, kayam an nga ki sed’egiya.

Sunda hi suma a sunuzinid’a 20:18

Kid’a azi mbaza gevemba, mi dazi ala: Agi tagi wagiya, ni nana ba, an kak adigagi ki dedei d’a an tin asen yam andaga d’a Asi-d’a gak ini ge.

1 Tasaloni’â 3:4

Kid’a ami nga ki sed’egid’a, ami dagi woi adjeu ala ei mba fei djop vuna. Agi wagi ala mi mba wa da mi.

1 Tasaloni’â 4:11

Ar agi b’ad’agi tagi á kagagi tchugot, ar agi kagagi agi tinigi iragi yam ahle magina, ar agi lagi sunda kabogi á fahle magina d’igi ami hagi vuna avok na.

2 Tasaloni’â 2:5

Agi djib’eregi nga yam zla d’a an dagizi kid’a an nga ki sed’egi tua d’a d’uo zu?