2 Tasaloni’â 1:12 - Bible azumeina

¹² Yam sumad’a hAlo meinid’a ki d’a hi Saleina Jesus Christ-sa, agi mba suburugi simiyê Saleina Jesus, mam mba mi suburugi mi.

2 Tasaloni’â 1:12 Iomraidhean Croise

Ad’u Tinda 18:18

Kayam Abraham mba mi mbut nandjaf ma ngol ma ad’engâ; andjaf suma yam andagad’ina pet, an mba ni b’e vunan kazi ni kamu.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Isai 24:15

a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Jean 17:10

Sum mana pet ni mangâ, sum mangâ pet ni mana, a suburun wa kazi mi.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

1 Korente-na 1:4

An nga ni le mersi mAlo mana teteu kayam suma d’a mi vagizi yam Jesus Christ-sa.

2 Korente-na 13:4

Wani le a b’alam akulo ata aguna d’igi sama amangeîna na pî, mam nga karid’a yam ad’enga hAlonid’a. Hina mi, ami namangeîd’a zlapa tu ki mamu, wani ami mba kagami karid’a zlapa ki mam yam ad’enga hAlonid’a á ndjunugiya.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.