2 Sunda Hamuleinid’a 4:2 - Bible azumeina

² Mi yor hal ma ngol ma kawei ma hleuna ngungul. Bubuwamî metred’a vahl, fiyagam mba akulod’a ni metred’a mbà ki nusa, vunam ma dalalâ ni metred’a dogo yam vahl mi.

2 Sunda Hamuleinid’a 4:2 Iomraidhean Croise

2 Amuleina 25:13

Suma Babilon-na a kus kawei ma murguli ma mbà ma hleu ma kur gong nga kud’ora hi Ma didinid’ina ki kawei ma hleu ma ad’um kä na ki hal ma ngol ma kawei ma hleuna suma a nga kur gong ndatina woyo, a i ki sed’ezi Babilon pet.

1 Sunda Hamuleinid’a 18:8

David mi yoï kawei ma hleuna ngola avo Tibat ki Kun, azì ma nglona hi Hadadezer-râ. Salomon mi min yima mbus ma ngolâ kagu ma murgulina kahle suma le sunda kur gong nga kud’ora hAlonid’a ki kawei ma hleu máma.

2 Sunda Hamuleinid’a 4:3

Mi d’udjo anguza amuzleina avun hal máma, mi nguyum kiya, mi tin anguza amuzleina djirdid’a mbà huyogom mi. Mi nguyum mbei d’uhl, kur metred’a tud’a amuzleina dok mbà, amuzlei suma a ndjarazi djirdid’a mbà ndazina, mi yorozi ni ki kawei ma hleu ma a le ki halîna.

Buzuk ka Abud’a 38:3

Mi lahle mam suma sunda pet, nala, yi mam ma ko butna, pel mama, hal mama, kiyor mam ma siyam hindina kanduru ma yo akud’a mi. Mi lahle mam suma sunda pet ni ki kawei ma hleuna.

Buzuk ka Abud’a 38:8

Mi min hal ma ngol ma mbusa kad’um mba kä d’a pet ni ki kawei ma hleuna. Mi lum hina pet ni ki kotroma harop suma a nga tok avun zlub’u d’a ngaf tad’ina.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.