2 Samuel 8:2 - Bible azumeina

² David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

2 Samuel 8:2 Iomraidhean Croise

2 Samuel 12:31

David mi yo suma kur azinina, mi tinizi ata sun nda ngat aguna ki sïnid’a á wak ahinad’a ki djiga ma kaweina, á ka aguna kandjet ma kaweina, á tchi derengelâ mi. Mi le suma kur azì ma nglo ma Amon-na pet ni na mi. Bugola, mi hulong Jerusalem ki azigar mama pet.

2 Samuel 8:6

David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’u David, a hum tara. Ma didina mi hum ad’enga á kus yam suma pet ata yima lara ma mam nga mi i kuana.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

2 Amuleina 1:1

Bugol matna hi Ahap-ma, suma Mowap-ma a tchol huneîd’a ki Israel suma a te kazina.

2 Amuleina 17:3

Salmanasar amul ma Asiri-na mi mba mi dur ayîna ki Ose. Ose mi hulong ge yam kä ad’umu, mi hum tara.

1 Sunda Hamuleinid’a 18:2

David mi dur ayîna ki suma Mowap-ma, mi kus kaziya, mi hulongôzi yazi kä ad’umu, a hum tara.

2 Sunda Hamuleinid’a 26:8

Suma Amon-na a mbam ki he d’a hawad’a. Simiyêm mi nde yina ngola, gak mi i avun hagad’a hi Ezipte-d’a, kayam ad’eng mamba nga d’i i avogovok ngola.

Sawal la giled’a 108:9

Galät ni manda, Manase ni manda mi. Efraim ni djum mba kanda, Juda ni totogo man nda tamula mi.

Sawal la giled’a 18:45

Ata yima azi hum zla mandina, azi ge yazi kä avoronu; andjaf suma dingâ a mba hün ni ir mandarâ.

Sawal la giled’a 60:10

Mowap nangot man nda mbus tanda, Edom ni yima an tchuk atuguru mana kuana. Filistê-na a mba hle sawal la kus ayîna kanu.

Sawal la giled’a 60:8

Alona, ang deï zlad’a kur gong mang nga kud’ora ala: Ayî ma kusa ni mana, an mba ni b’rau Sikem mbeyo, an mba ni nga hor ra Sukot-ta ni an mi.

Sawal la giled’a 83:6

Azi djop taziya, vunazi tchuk tu, a djin vunazi ala a dur ki sed’engû.

Isai 36:16

Mi de kua ala: Salana amul ma Asiri-na mi dala: Agi hagi gagazid’a kam mbi, ar agi humum mbuo mi. Ar agi humugi ni zla d’a an amul ma Asiri-na ni dagizi wanda: Agi zlabagi darigïd’a ki sed’enu, agi mbeyegi gevenu. Wani nge nge pî mba mi te vud’a guguzlu mamba, mba mi te vud’a tulum mama, nge nge pî mba mi tche mbiyo golong mamba mi.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.

1 Samuel 22:3

Ata yima David mi tchol mi i Mispe d’a Mowap-pina, mi de mamul ma Mowap-ma ala: An nga ni tchenengû, ang aran lovota mabun kasun á kak avo hatang gak an we vama Alona mba mi lum ki sed’ena.

1 Samuel 22:4

David mi izi avo hamul ma Mowap-ma. Kid’a David mi nga kur yima ngeid’id’a, azi nga kaka kamulâ.