2 Samuel 8:11 - Bible azumeina

¹¹ David mi tinizi irazi vazi mi Ma didina d’igi mam tin kawei ma hapma ki lora suma mam yozï abo andjaf suma pet suma mam kus kazina mi Ma didina na mi.

2 Samuel 8:11 Iomraidhean Croise

2 Samuel 8:10

Mi sun goroma Joram gen amulâ David á gum depa, á suburum mi, kayam dur ma mam dur ki Hadadezer mi kus kama, kayam Toi mi dur ayîna ki Hadadezer mi. Joram mi im kahle suma a lazi ki kawei ma hapma ki lora ki kawei ma hleunina mi.

1 Amuleina 7:51

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoî d’a kur gong nga kud’ora hi Ma didinid’a.

1 Sunda Hamuleinid’a 18:11

David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

1 Sunda Hamuleinid’a 29:2

An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi.

2 Sunda Hamuleinid’a 5:1

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoîd’a kur gong nga kud’ora hAlonid’ina.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.