2 Samuel 7:20 - Bible azumeina

²⁰ Ma didina, an dok ni dangî zla me d’ei ge? Salad’a, Ma didina, ang wan an azong mangâ.

2 Samuel 7:20 Iomraidhean Croise

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

1 Sunda Hamuleinid’a 17:18

an dok ni dangî zla me d’ei ge? Ang wan an azong mangâ.

Sawal la giled’a 139:1

Ni sawal la gile d’a David mi hlat mi hat mi ma ngolâ hi suma hle sawalîna. Ma didina, ang halan hurunu, ang wanu.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Josue 5:14

Mi hulong dum ala: Hawa! An ni ma ngol ma dur ayîna hi Ma didinina, an mba wa da’. Josue mi grif kä andaga avoromu, mi dum ala: Salana, ang min dan an azong mangâ nana ge?

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.