2 Samuel 7:11 - Bible azumeina

¹¹ Kur atchogoi d’a an tin suma nglo suma avok man suma Israel-lîd’a, an hazi tuk tad’a, an pad’azi woi abo mazi suma djangûna. Ki tchetchemba, an Ma didina nga ni dangû: An mba ni hang andjafâ.

2 Samuel 7:11 Iomraidhean Croise

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

2 Samuel 7:19

Salad’a Ma didina, ni zla d’a akid’eid’a irang tala ang nga de zlad’a yam andjafâ hi an azong mangâ vama sä avo’â, an mala ni sana na zu?

2 Samuel 7:27

Kayam ni ang tang Ma didin ma ad’engên kal petna, Alona hi Israel-lîna ba, ang nde zla ndata woi mi an azong mangâ ala: An mba ni hang andjafâ. Ni kayam ndata ba, an azong mangâ ni fad’enga á tcheneng wana.

1 Amuleina 11:38

Le ang hum ahlena pet suma an nga ni dangzina, le ang tit yam lovot ta an nga ni tagangzid’a, le ang nga tit d’ingêr avoronu, le ang ge yang kä ad’u gat manda ki vun ma he ma an nga ni hangzina d’igi azong mana David na ni, an mba ni kak ki sed’engû, an mba ni he lovota mandjavang á tamula burâ ki burâ d’igi suma hi David-na na, an mba ni hang andjafâ hi Israel-lâ ma dogona mi.

1 Amuleina 2:24

Ni Ma didin ma bei matna ba, mi tinin ini yam zlam mba amula habun David-ta, ni ma hlan vunam ala: Andjavang mba mi vrak tamula blangângû na. Ar a tchi Adoniya ini baba!

1 Sunda Hamuleinid’a 17:10

Kur atchogoi d’a an tin suma nglo suma avok man suma Israel-lîd’a, an hulong mang suma djangûna yazi kä ad’ungû. Ki tchetchemba, an Ma didina nga ni dangû: An mba ni mbud’ung andjavang andjaf ma amula.

1 Sunda Hamuleinid’a 22:10

Ni mam ba, mba mi min gonga akulo ki simiyênu, mam mba mi arî gorona, an mba ni arî abum mi. An mba ni hum ad’enga á tamula aduk Israel-lâ gak didin.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Sawal la giled’a 106:42

Mazi suma djangûna a lazi ndaka, azi ge yazi kä ad’u ad’eng mazid’a mi.

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Buzuk ka Abud’a 1:21

Alona mi zul andjafâ harop suma a vud’aropmina, kayam a lum mandaramu.

Zla d’a d’ogolâ 14:1

Atcha d’a ned’a nga d’i min aziyat kad’u, wani ta lilid’a ti tomî kä woi kabod’u.

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.

1 Samuel 25:28

An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.