2 Samuel 7:10 - Bible azumeina

¹⁰ An b’rau yina mi man suma Israel-lâ, an hazi yima kaka, kayam azi giget ti, an ar suma tchona a hulong djobozi nga vunazi d’igi a djobozi vunazi adjeu na d’uo d’a.

2 Samuel 7:10 Iomraidhean Croise

2 Amuleina 21:8

Le Israel-lâ a ngom vun ma he mana ki gat man nda pet ta azong mana Moise mi hazizid’a ni, an mba ni walazi woi dei kandaga d’a an hat mabuyozi ngolod’a d’i.

1 Sunda Hamuleinid’a 17:9

An b’rau yina mi man suma Israel-lâ, an hazi yima kaka, kayam azi giget ti. An ar nga suma tchona a hulong a djobozi nga vunazi d’igi a djobozi vunazi adjeu deid’a na d’uo d’a.

2 Sunda Hamuleinid’a 33:8

Le Israel-lâ a ngom vun ma he mana ki gat manda pet ta azong mana Moise mi dazizid’a ni, an mba ni walazi woi dei kandaga d’a an hat mabuyozi ngolod’a d’i.

Sawal la giled’a 44:2

Alo mamina, ami humumi ki humamiya, abuyomi ngolo a dami zla sun nda ang lat kur atchogoi mazid’a avok dedeid’a.

Sawal la giled’a 44:4

Azi hlambasa nga ni ki durâ d’i, azi kus ayîna nga ni kad’eng mazid’a d’uo mi. Wani ni kad’eng manga, ang tin irang kaziya, kayam me ang hurung vaziya.

Sawal la giled’a 80:8

Alo ma ad’engêng kal petna, ang tinimi blangâmina, ang mbud’ï irang kiramiya. Hina wani, ami mba sud’umiya.

Sawal la giled’a 80:9

Ang pad’ï guguzlud’a ei Ezipte, ang dik andjaf suma woi avorod’u, ang hulong pat kä mi.

Buzuk ka Abud’a 1:22

Wani Faron mi he vuna mi sum mama ala: Agi tchugugi gro andjof suma Hebre suma a vut awilina woi pet kur aluma. Wani agi tchugugi gro aropma woi aduk aluma d’i.

Buzuk ka Abud’a 15:17

Ma didina, ang mba i ki sed’ezi á tinizi yam ahina mang nga ang mba tat djonid’a, yam yima ang min á kaka kuana, yam yima ang tanga gäd’u yima a mba kud’urong kuanina.

Isai 5:2

Mi dilabam kä, mi pat ahuniyôna woyo, mi pe guguzlu d’a djivi d’a kal teglesa kua, mi vazangâ akulo fiyaka adugu, mi djugot zul la miret guguzlud’a kua mi. Bugola, mi tin hurum ala mba d’i vud’um guguzlu d’a djivid’a, wani ti vud’umî vut ta tchod’a zang.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Jeremi 18:9

Wani bur ma dingâ an nga ni de zlad’a yam andjaf ma dingâ d’oze leu d’a dinga á minit toze á tinit ad’ut kä.

Jeremi 24:6

An mba ni tin iran kazi á wazi hohowoziya, an mba ni hulongôzï kur ambas sa kä wanda, an mba ni minizi akulo, an mba ni b’lagazi woi d’i, an mba ni pazi ni kä, an mba ni pad’azi woi d’i.

Ezekiyel 28:24

Israel-lâ ndrozi suma azì suma a golozi is adjeuna, a mba tchogozi d’igi kekerezeuna mi tchok suma na d’i, a mba tchogozi mbuleina d’igi aweid’a ti tchok suma na d’uo mi. Hina wani, suma a mba wala an ni Ma didina.

Wana ni mbaktumba hi Oze-d’a 2:18

Ma didina mi de kua ala: Kur bur máma ndak mba d’i yan ala ndjuvunu, ndak mba d’i yan ala Bäl ma salana d’uo d’a.

Amos 9:15

An mba ni hulong pe sum mana yam andaga mazid’a. Sa mba mi pad’azi woi yam andaga d’a an hazizid’a d’uo d’a. Wana ni zla d’a an Ma didina Alo magina ni data.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.

1 Samuel 13:17

Bur tu azigar suma Filistê-na a buzugï woi kur kang mazina adesâ hindi á b’lak yina. Ma avo’â mi hle lovot ta abo ma Ofra-na d’a yam andaga d’a Suwal-la.