2 Samuel 6:20 - Bible azumeina

²⁰ David mi hulong avo hatam á b’e vunam yam sum mama. Mikal Saul goromba, ti ndeï ti ngavamu, ti dum ala: Ni subur ra me ini kang ang amul ma Israel-lâ hina ba, ang nga lü avok yuguneina hazungeî mangâ barud’a fel lei atang d’igi sama hawana na ge!

2 Samuel 6:20 Iomraidhean Croise

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

2 Samuel 6:14

David nga mi lü avok Ma didina kad’engêm pet ki baru d’a efo d’a luluîd’a djinda furum mi.

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

2 Samuel 6:18

Kid’a David abom dap he d’a hawa d’a ngala ki he d’a hawa d’a ngat buzu d’a zlap darigïd’a dapa, mi b’e vunam yam suma ki simiyê Ma didin ad’engêm kal petna.

2 Samuel 6:19

Bugola, David mi b’rau tena mablaud’a hi Israel-lâ pet; andjofâ karopma nge nge pî David mi hum avungô ma gureina ki hliu ma sora kades guguzlu d’a sod’a. Suma pet a b’rawa, nge nge pî mi i avo hatamu.

1 Sunda Hamuleinid’a 16:43

Ablau d’a pet ta nge nge pî, mi i avo hatamu. David mi hulong avo hatam á b’e vunam yam sum mama mi.

Wana ni mbaktumba hi Job-pa 30:8

Azi ni suma lili suma zlazi nga d’uo suma a digizi woi yam ambasa ki tod’ina.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Sawal la giled’a 30:1

Ni sawal la David mi hlat ki furîd’a á mal vun gong mambid’a.

Ma tchi wala 7:17

Ar ang lasa’ata kal lei kang ngi, ar ang mbut tang lilid’a d’uo mi. Ni kayam me ba, ang mit bei burung ndak ke?

Marik 14:66

Kid’a Pierre nga mi kak hur azinid’a, weid’a hi ma ngol ma ngat buzunid’a, ti mba.

Marik 3:21

Kid’a simiyêm a hum zla ndatid’a, azi buzuk a iza á vum mbeyo, kayam azi dala: Yam mbut wa da’.

Jean 13:6

Ata yima mi mba yam Simon Pierre-râ, Pierre mi dum ala: Salana, ni ang ba, mbuzun asen ndju?

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Suma ka sariyad’a 9:4

Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.

1 Samuel 14:49

Saul grom suma andjofâ ni Jonatan, Jisvi ki Malkisua; grom suma aropma ni mbà, d’a ngola a yat ala Merap, d’a gora a yat ala Mikal.

1 Samuel 18:20

Mikal Saul goromba hurut ve David; a mba de Saul zla ndata, mam hurum ve mi.